Qysh me i ditë përfitimet nga çaji kamomil?

nga Argjenda Selmani

Të gjithë e përdorim shpesh kamomilin por a i dimë të gjitha vetit e tij? Çaji i kamomil ka qenë shumë i përdorur qysh në kohët e lashta në Perandorinë Romake, gjatë sundimit të Egjiptit e në Greqinë antike.

Më poshtë ne po listojmë disa nga përfitimet që i kemi nëse konsumojmë shpesh çajin e kamomilit. Mos të harrojmë se është një çaj që ka shije të mirë. Sidomos nëse e shoqërojmë me mjaltë apo edhe pak sheqer.

Ndihmon shërimin e plagëve

Si çaj kamomili është përdorur qysh në lashtësi për përshpejtimin e shërimit të plagëve. Një studim i fundit tek minjtë ka rezultuar se minjtë të cilëve i’u është dhënë çaji kamomil janë shëruar më shpejt sesa ata që nuk i’u është dhënë. Kamomili është i mirë edhe për djegie, ngase vepron kundër inflamacionit, baktereve dhe është antioksidant i shkëlqyer.

Ndihmon diabetin

Studimet e fundit kanë treguar se çaji kamomil ndihmon shumë përsonat që janë të prekur nga diabeti.

Kundër baktereve

Efekti antibakterial i kamomilit mund t’ju ndihmojë të luftoni ftohjen dhe gjithashtu të mbroheni nga sëmundjet që lidhen me bakteret dhe infeksionet.

Zbutë spazmën e muskujve

Konsumi i çajit të kamomilit sipas hulumtuesve zbutë spazmën e muskujve dhe është një mjet i mirë kundër dhimbjeve menstruale.

Qetëson dhimbjet e stomakut

Efekti i kamomilit në stomak është shumë qetësues duke relaksuar muskujt e barkut dhe ndihmuar rreshtimin e zorrëve. Gjithashtu, çaji i kamomilit mund të ndihmojë edhe në tretjen e ushqimit.

Ndihmon gjumin

Një gotë çaj kamomil para gjumit vepron si qetësues në sistemin nervor në mënyrë që ju lejon të bëni gjumë më të rehatshëm. Vlen të theksohet se kamomili ka qenë si ilaç kundër pagjumësisë për shekuj me rradhë.

Hemorroidet

Thuhet se çaji i kamomilit mund t’ju ndihmojë në shërimin e hemorroideve.

Lufton kancerin

Besohet se çaji i kamomilit ndihmon në uljen e qelizave kanceroze edhe pse janë duke vazhduar hulumtimet për të parë saktësisht se si kamomili shfuqizon rritjen anormale të qelizave.

Lëkurë të shëndetshme

si anti-inflamator kamomili ndihmon në pastrimin e lëkures e deri tek irritimet si ekmeza, puçrrat dhe alergjia. Ka shumë mënyra të aplikimit të kamomilit, por më e lehta është përmes çajit. Nëse keni probleme me shijen mund të shtoni limon dhe të konsumoni çdo kohë, ngase efektet shëndetësore janë të shumta.