Qysh me zhvillu aftësitë e veçanta të fëmijëve përmes ushqimit?

nga Flogerta Driza

Cilat janë aftësitë e veçanta të fëmijëve? Të gjithë prindërit kanë dëshirë që fëmijët e tyre të realizojnë ëndrrat e tyre. E tani shkencëtarët besojnë që kanë gjetur një mënyrë për t’i ndihmuar në këtë aspekt. Sipas tyre, fëmijët të cilët kanë konsumuar tableta të vajit të peshkut kanë përmirësuar aftësitë e tyre për të lexuar në vetëm tre muaj.

Aftësitë e veçanta të fëmijëve mund të zhvillohen

Studimi suedez për acidet yndyrore Omega 3, është i pari që konfirmon se të gjithë fëmijët përfitojnë nga këta përbërës. Studimi është zhvilluar me 154 fëmijë, të cilët ishin ndarë në dy grupe. Njëri grup kishte marrë tableta të vajit të peshkut ndërsa grupi tjetër placebo. Pas kësaj janë zhvilluar disa teste për lexim për të vlerësuar aftësitë e fëmijëve.

Fëmijët të cilët kishin përdorë tableta kanë treguar përmirësim rreth 64% në të kuptuarit në përgjithësi, përderisa ishin pesë herë më të shpejtë në dekodimin e fjalëve të ngatërruara. Ky studim do të prezantohet në konferencën për edukim në Birmingham në fund të muajit. Ky studim ka rëndësi të vecantë për prindërit që duan t’i shohin fëmijet e tyre të lulëzojnë dhe të mund të zhvillojnë aftësitë që kanë. Omega 3 është njohur përherë si një element tepër ushqyes, por asnjëherë më parë e provuar nga shkenca. Të paktën për efektin që jep tek inteligjenca e fëmijëve të vegjël.