Qysh me përgatitë ëmbëlsirë me qumësht?

nga Argjenda Selmani

A keni përgatitur ndonjëherë ëmbëlsirë me qumësht? Ose thënë ndryshe, a keni menduar ndonjëherë se përbërësi kryesor i një ëmbëlësire mund të jetë qumshti?

Më poshtë ne po ju prezantojmë të një ëmbëlsirë me qumësht. Një recetë që përgatitet lehtë, edhe nëse nuk keni shumë përvojë në kuzhinë. Një ëmbëlsirë që mund ta përgatisni shumë shpejt, edhe kur musafirët ju vijnë pa paralajmërim dhe nuk keni shumë kohë.

Përbërësit për ëmbëlsirë me qumsht

1 litër qumësht
10 vezë
10 lugë sheqer
1 sheqer vanillë

Përgatitja

Së pari tunden dhjetë vezët me sheqer në mikser, derisa të shkrihet sheqeri. Pastaj shtohet qumështi i vakët i cili përzihet mirë me masën e vezëve dhe vendoset në tepsi.Kjo ëmbëlësirë pjeket në furrë të nxehtë në temperaturë 200 gradë derisa të skuqet masa në sipërfaqe. Pastaj largohet nga furra, dhe pritet në katrorë pasi të jetë ftohur. Kjo është një ëmbëlsirë që ju lejon të manovroni pasi të jetë pjekur. Si mund ta bëni këtë? Nëse jeni adhurues i çokolladës, ju mund shumë lehtë ta shkrini një çokolladë të kuzhinës dhe t’ja hidhni përmbi. Ose nëse i parapëlqenin frutat e malit, të njëjtën gjë mund ta bëni duke përgatitur një puding nga frutat.  Madje ëmbëlësirës për shije mund t’i hidhni sipër arra të grimcuara, apo vetëm rrush të terur. Përshtateni këtë ëmbëlësirë me shijen tuaj dhe nuk do të zhgënjeheni.