Qysh me përgatitë speca pikantë në mustardë? - Qysh Me nga dua.com 

Qysh me përgatitë speca pikantë në mustardë?

Qysh Me Qysh Me | Receta | 01 May 2020 | 10:00

Një recetë e thjeshtë, e shijshme dhe mbi të gjitha e shëndetshme.

Përbërësit:

– 2 kg speca të kuq,
– 4 ose 6 thelpinj hudhre,
– 4 fletë dafine,
– 1 litër ujë,
– 3 dcl uthull,
– 30 g kripë
– 20 g sheqer,
– 3 dcl vaj,
– 400 g mustardë.

Përgatitja:

Pastroni specat dhe pritini imët si për sallatë. Në një enë vloni uthullën, ujin, kripën, sheqerin, fletët e dafinës dhe thelpinjtë e hudhrës. Pasi të ketëvluar, hidhni në të specat e prerë, dhe ziejeni dhjetë minuta. Kulloni lëngun, nxirrni fletët e dafinës dhe thelpinjtë e hudhrës dhe ftojini mirë.
Përzieni mirë mustardën dhe vajin dhe shtoni specat e ftohur dhe përzieni mirë. Hidhini në kavanoza të nxehtë, shtoni pak vaj të ngrohtë sipër dhe lërini 10 minuta në furrë. Mbyllni kavanozat me kapakë të sterilizuar, mbështillni mirë dhe lërini që të ftohen ngadalë tërë natën. Ju bëftë mirë! 

dua