Biografia

Morena Taraku është këngëtare e njohur. Me transformimin e vet të pazakonshëm ka arritur majat e bukurisë. Është zgjedhur “Miss Kosova 2010”, “Miss Liberty of the World 2012″, mori pjesë në “Miss Earth 2010”, ka përfaqësuar Shqipërinë në “Miss World 2012”; shijoi aventurën e saj në “VIP Shpija 3”, provoi veten si prezantuese e “Video Festit Muzikor”, është imazh publicitar i DigitAlb. Ka treguar edhe më shumë nga talenti i saj i fshehtë dhe, akoma është një ndër personazhet më të dashura të skenës vendëse.

Ta njohësh privatisht, është kënaqësi e vërtetë, sepse krahas të gjitha sukseseve të cilat i ka arritur, ajo edhe më tej është shumë e shoqërueshme, e hareshme dhe vajzë shumë interesante. Ajo që pëlqehet tek Morena është edhe stili i saj i veshjes, i cili, para së gjithash, është i pazakonshëm, herë-herë edhe avangarde. Morena, tani e di se çka dëshiron. Mirëpo, është edhe e vetëdijshme për atë që posedon. Me buzëqeshjen e saj karakteristike thyen edhe karakteret më të vrazhda.

Karriera

Në Qershor 2014, Morena Taraku merr pjesë në Netët E Klipit Shqiptar 13 me këngën “My Love”, në bashkëpunim me Blero. Një Mis që kërkon të bëjë karrierë edhe në muzikë dhe siç bëjnë të ditur mediat, bukuroshja Taraku ka talent në muzikë. Ajo jo vetëm ka menduar ti hyjë seriozisht kësaj rruge, por tanimë ka zgjedhur edhe kompaninë me të cilën do punojë. Bëhet fjalë për kompaninë muzikore “elephant”. Morena përveçse një figurë e suksesshme në botën e modës dhe atë televizive, fillon të ketë sukses edhe në muzikë.

Më datë 9 Janar 2016, Morena Taraku publikon videoklipin “Lule”.Më datë 4 Dhjetor 2016, Morena Taraku publikon videoklipin “Amore”, në bashkëpunim me Aida Doçi. Muzika e këngës u punua nga Chipsi, teksti u shkrua nga Chipsi.


Më datë 14 Korrik 2019, Morena publikon videoklipin “Swag”. Bashkpuntorët për këtë projekt ishin: Uron Esati, i cili është përkujdesur për dukjen e Morenës (styling), NSL është përkujdesur bashkë me Morenën për tekstin dhe melodinë e këngës, ndërsa beati është punar nga DryBeats. Videoklipi ështe realizuar nga MaxProduction.

Të tjerë

Leave a Comment