Permeti

Permeti

permeti

Permeti. Në zemër të luginës së Vjosës, një nga lumenjtë më të rëndësishëm dhe të bukur të Shqipërisë, qëndron Permeti.

Ky qytet është një xhevahir i vërtetë por ende larg radarit të turistëve. Më saktë është vendi ideal për ata që kërkojnë relaksim. Për të shkuar atje zbret nga Tirana për në jug. Në vend që të shkosh në drejtim të bregdetit shkon në brendësi, kalon Fierin dhe Tepelenën deri sa të mbërrish, pas tre orësh, në destinacionin tënd. Idealja është të ndaleni këtu për një fundjavë ose, kush ka mundësi, edhe disa ditë të tjera për të zbuluar rrethinat gjithashtu.

Zgjedhja e hotelit është shumë e rëndësishme, pasi në Përmet ka pak akomodime dhe vendi ideal për të qëndruar është, për mendimin tim, Vila Përmet, një hotel i bukur i hapur kohët e fundit. Villa Përmet është zgjidhja ideale për të kaluar natën dhe për të vizituar rrethinat e saj të mrekullueshme brenda një dite. Jo vetëm që është një nga strukturat më interesante dhe më të ruajtura në Shqipëri, por gjithashtu është e vendosur në një pozicion fantastik. Prej aty mund të admironi qytetin dhe malet përreth saj.

Kuzhina e Përmetit dhe peisazhet

Në Përmet nuk keni pse shkoni për muze, art dhe kulturë, por për të vizituar natyrën në bukurinë e saj të plotë dhe të rigjeneruar nga pranvera. Sidoqoftë, ka edhe kisha të çmuara dhe të lashta, të cilat ia vlen të vizitohen. Siç janë ato të Shën Nikollës që datojnë nga mesi i shekullit të tetëmbëdhjetë. Kisha e Shën Premtes e cila daton nga gjysma e dytë e shekullit të tetëmbëdhjetë. Të dyja kishat ndodhen brenda në qytet.

Keni edhe kishën e Shën Marisë në Leusë,  ndërtuar në vitin 1700 mbi mbetjet e një ndërtese para-ekzistuese të shekullit të 6-të. Ndodhet në një fshat të vogël pak jashtë qendrës.

Permeti i magjeps të gjithë me kuzhinën e tij. Disa nga produktet e tij gastronomike, siç janë glikotë e bëra nga frutat, mbrohet nga Slow Food Albania. Pastaj keni lumin, me ngjyrat e tij madhështore, i cili rrjedh ngadalë përmes qytetit. Ose parku kombëtar Bredi i Hotoves në portat e qytetit si dhe keni mundësinë për të bërë shumë aktivitete në natyrë.

Banjat termale të Benjës

10 km larg Përmetit, ndodhen Banjat e famshme termike të Benjës. Ato mund të arrihen lehtazi me makinën tuaj ose me xhipat e pronarëve të Villa Përmet të cilët organizojnë ekskursione në atë zonë. Përgjatë itinerarit të shkurtër që të çon tek banjot termale, do dëshmoni fushat dhe kullotat e kultivuara. Deri sa të arrini urën osmane që përshkon lumin Langaricë, afër së cilës ndodhen pishinat e njohura natyrore.

Ujërat termale të Benjës janë të famshëm në të gjithë Shqipërinë për vetitë e tyre shëruese dhe gjithashtu konsiderohen nga specialistët të jenë ndër më të mirat në Europë. Burimet përdoren për të trajtuar sëmundjet kronike reumatike, sëmundjet e stomakut dhe lëkurës.

Nëse dëshironi mund edhe të ecni në Kanionin e Lengaricës, i cili fillon disa metra larg urës. Një alternativë tjetër është të pushoni në banjat natyrale dhe të admirosh peizazhin përreth. Në të dy rastet, çudia dhe relaksi janë të garantuara. Ky pra është Permeti i panjohur por padyshim i mrekullueshëm.

Më shumë artikuj: