Qysh me dite cfare ushqime me konsumu gjate shtatzanise?

Qysh me dite cfare ushqime me konsumu gjate shtatzanise? Shtatzania është proces shumë delikat. Mënyra se si ushqeheni gjatë shtatzanisë padyshim se ndikon në mbarvajtjen e saj.

Ushqimi luan rol të rëndësishëm në shëndetin e nënës por edhe të fëmijës.

Prandaj më poshtë mund të lexoni për disa ushqime që janë të domosdoshme për konsumimin shkaku i vlerave ushqimore dhe vitaminave që përmbajnë. Natyrisht uji është i veçantë në këtë listë.

Uji 

Mos harroni se gjatë shtatzënisë vëllimi i gjakut rritet deri në 1.5 litra. Për këtë arsye është e rëndësishme të qëndroni të hidratuar mirë.

Udhëzimet e përgjithshme sugjerojnë pirjen e rreth 2 litrave ujë në ditë. Mirëpo sasia që ju duhet me të vërtetë ndryshon nga individi.

Si një vlerësim paraprak, ju duhet të pini rreth 1-2 litra çdo ditë. 

Vezë

Kur jeni shtatëzën vezët duhet të jenë pjesë e mënysë tuaj. Vezët përmbajnë proteina dhe yndyra me cilësi të lartë.

Gjithashtu përmban shumë vitamina dhe minerale. Vezët janë një burim i madh i kolinës, i cili është thelbësor për shumë procese në trup, përfshirë zhvillimin e trurit dhe shëndetin.

Një vezë e vetme e tërë përmban rreth 113 mg kolinë, e cila është rreth 25% e konsumit të rekomanduar ditor për gratë shtatzëna (450 mg).

Avokado

Edhe nëse nuk jeni mësuar t’i konsumuni, gjatë shtatzanisë ju duhet t’i bëni pjesë të përditshmërisë avokadot. Ata anë të pasura në fibra, vitamina B, vitamina K, kalium, bakër, vitaminë E dhe vitamina C.

Yndyrnat e shëndetshme ndihmojnë në ndërtimin e lëkurës, trurit dhe indeve të fetusit, dhe folati mund të ndihmojë në parandalimin e defekteve të tubit nervor. Kaliumi mund të ndihmojë në lehtësimin e dhimbjeve të këmbëve, një efekt anësor i shtatzënisë për disa gra.

Avokadot përmbajnë më shumë kalium se bananet.

Vaj i mëlçisë së peshkut 

Vaji nga mëlçia e peshkut është shumë i pasur me acidet yndyrore omega-3 dhe DHA, të cilat janë thelbësore për zhvillimin e trurit të trurit dhe të syve.

Gjithashtu ai përmban përqendrim të lartë të vitaminës D, gjë që shumë njerëz nuk e kuptojnë. Vetëm një lugë gjelle nga ky vaj siguron më shumë se marrja e rekomanduar ditore e omega-3, vitamina D dhe vitamina A.

Frutat e thata 

Një pjesë e frutave të thata përmban të njëjtën sasi të ushqyesve si frutat e freskëta. Ato kanë kalori, fibra dhe vitamina dhe minerale të ndryshme.Kumbullat janë të pasura me fibra, kalium, vitaminë K dhe sorbitol.

Ata janë laksativë natyrorë, duke qenë të dobishëm në lehtësimin e kapsllëkut.