Qysh me kriju nje cv per pune? Një CV pune është dokumenti më i rëndësishëm kur planifikoni punësimin! Secili person i rritur, me kualifikim për punë, duhet ta ketë një të tillë.
Ka shumë rëndësi që CV-në tuaj ta përditësoni me informata saherë që merrni një diplomë, kryeni një kurs apo avansoheni në jetën profesionale.
Mirëpo, çka duhet të përmbaj një CV pune e mirë?
Informacionet tuaja personale
Qysh ne hyrje të CV-së shkruani me shkronja të theksuara Emrin, Mbiemrin, datën e lindjës, e-mail adressën si dhe numrin e telefonit.
Në pjesën e dytë të CV-së, menjëherë pas hyrjes, jepni të dhënat tuaja profesionale. Shkruani përvojën e punës. Që nga punëdhënësi i fundit që keni pasur, ose që keni aktualisht, e deri te ai i pari.
Listoni të gjitha trajnimet, kurset dhe referencat qe keni. Një seksion i veçantë në CV-në tuaj të punës duhet të ketë edukimi. Tregoni shkollimin tuaj, nga i fundit, psh Master, e deri te ai i pari, p.sh bachelor.
Kushtoni vëmendje shkathtësive të punës
Në CV-në tuaj patjetër se duhet të zërë vend edhe një listë me të gjitha shkathësitë që ju veçojnë juve si punëtor.
Ato tregojnë se si e menagjoni dhe përballoni punën por edhe ambientin ku punoni.
Sekreti i suksesit në këtë pjesë qëndron te fakti se duhet të përmendni shkathtësi që lidhen direkt me profesionin tuaj, apo pozitën e punës në të cilën aplikoni.
Disa nga shkathtësitë gjenerale që mund t’i shkruani janë:
- Komunikativ/e
- Fleksibile/e
- I/e shoqërueshëm.
- I/e gatshëm për punën nën presion, etj.
Shkathtësitë specifike:
Ato duhet t’i përshtatën profesionit tuaj.
P.sh, nëse po kërkoni punë në media mund të tregoni se:
- Keni aftësi të larta hulumtuese.
- Shkruani pa gabime
- Keni burime informacionesh etj.
Ose nëse po aplikoni si ekonomist:
- Keni pasion për numrat.
- Shkathtësi të larta matematikore.
- Mësoni shpejt metoda të reja pune, etj.
Çka nuk duhet të përfshijmë në CV pune?
- Informacione personale si besimi fetar apo orjetimi sekusal.
- Përvojat e punës që nuk janë të rëndësishme dhe relevante.
- Kërkesa specifike për pagë.
- Ankesa apo pyetje të ndryshme.
- Informacione të rreme.
Cka duhet të keni parasysh kur të dorëzoni CV-në përmes e-mailit?
- Asnjëherë mos dërgoni një email të zbrazët vetëm më dokumentin e CV-së.
- Shkruani pa gabime gjuhësore.
- Në subject shkruani pozitën e punës për të cilën po aplikoni.
- E-mailin niseni me përshtendetje për personat që pretendohet se do ta lexojnë. P.sh “I/d nderuar, përshëndetje! Shpresoj që ky e-mail t’ju gjejë mirë”.
- Më poshtë tregoni se për cilën pozitë punë po aplikoni. Mund të shtoni edhe se nga e keni marrë informacionin për pozitën e punës. P.sh Pashë njoftimin tuaj në faqen e kompanisë se po kërkoni një recepsionist.
- Në fund, mos harroni ta falenderoni për kohën e gjetur për ta shqyrtuar aplikimin tuaj.
