Qysh me përgatit palapeta të shijshme me kafe për mëngjes?

Qysh me përgatit palapeta të shijshme me kafe? Palapetat me kafe apo jo, janë ndër të preferuarat e mia. Megjithatë, po ju sjell sot një recetë super interesante dhe të shijshme. Provojeni!

Përbërësit për palapeta: 

• 240g miell
  
• 1 lugë gjelle pluhur kafeje
  
• 2 lugë gjelle sheqer
  
• 1 lugë çaji pluhur për gatim
  
• 30 gr gjalpë
  
• 1 gotë qumësht
  
• 1 vezë
  
• Kripë 

Përgatitja: 

1. Në një enë të thellë përzieni miellin, pluhurin e kafesë, sheqerin, pluhurin për gatim dhe pak kripë. Përziejeni për pak minuta derisa të krijohet brum homogjen për palapeta.
   
2. Shkrijeni gjalpin në një enë më vete.
   
3. Gjalpin e shkrirë dhe qumështin shtojeni në enën e parë, pastaj shtojeni edhe vezën në të njëjtën enë.
   
4. Përziejeni mirë me mikser. Brumi nuk duhet të jetë shumë i lëngshëm.
   
5. Një lugë gjelle të brumit hidheni në tiganin e nxehtë. Kur shihni flluska të vogla që shfaqen në palapetë, rrotullojeni.
   
6. Palapetën lëreni në tigan derisa ana tjetër të marrë ngjyrë të kaftë të artë. 

Ju bëftë mirë!