Qysh me përgatit për 15 minuta biskota me çokollatë?

Disa biskota të shijshme me çokollatë nuk i refuzon askush! Mirëpo a dini ju ndonjë recetë të mirë për t\’i përgatitur ato?
Ne po ju prezantojmë një recetë që përpos që është e shijshme është edhe e shpejtë! Gjithcka realizohet për 15 minuta.
Nëse e ndiqni me kujdes recetën tonë ju do të arrini të gatuani biskota të pa harrueshme. Madje edhe nëse nuk jeni një profesionist i kuzhinës. Prandaj asesi mos hezitoni t\’i provoni!

Përbërësit për biskota të shijshme:

• 240g çokollatë për gatim
• 4 lugë gjelle gjalpë
• 2/3 gotës miell
• ½ lugë çaji pluhur për gatim
• ½ lugë çaji kripë
• 2 vezë
• ¾ gotës sheqer
• 1 lugë çaji sheqer vanilje
• 150g çokollatë e copëtuar

Përgatitje:

• Fillimisht lëreni furrën të nxehet në 180 gradë Celsius dhe lëreni jashtë tabakun e pjekjes
• Prejeni çokollatën në copa të vogla
• Përzieni sheqerin, vezët dhe sheqerin e vaniljes për rreth 4 minuta
• 240g çokollatë shkrini me gjalpë në mikrovalë
• Shtojeni çokollatën në përzierje dhe përzieni prapë ngadalë
• Në një enë tjetër, përzieni miellin, pluhurin e gatimit dhe kripën. Pas përzierjes, shtojeni në enën me përbërësit tjerë dhe përzieni prapë
• Çokollatën e mbetur shtojeni dhe përzieni
• Biskotat vendosni rreth 5-7 centimetra larg njëra-tjetrës
• Gatuani për 12-15 minuta.

Përgatiten për 15 minuta: Biskota të shijshme me çokollatë