Qysh me përgatitë bakllava sipas recetës së gjysheve tona?

Përgatit bakllava edhe kur nuk është festë. Bakllavaja është një nga ëmbëlësirat më të preferuara të shqiptarëve. Atskush nuk e përgatit më mirë se gjyshet e nënat tona. Më poshtë ne po ja u sjellim recetën për bakllavasë.

Megjithatë mos harroni se ajo don shumë përkushtim dhe vigjilencë për tu gatuar. Prandaj bëni kujdes të shtuar në secilin hap. Që nga brumi, shtrirja e saj, pjekja e shërbeti. Shpresojmë të ja dilni me sukses.

Përbërësit për bakllava:

• 5 ve – 1 e plotë dhe 4 të kuqtë
• 1 gotë vaj
• 1 gotë qumështë
• lugë të mesme sheqer
• 1 maje thike kripë
• Rreth 500 gr miell
• Rreth 400 gr arra të qëruara e të coptuara
• 200 – 300 gr gjalpë

Përbërësit e sherbetit:

• 2 kavanoza të mëdha me sheqer rreth 1.2 kg
• 2 kavanoza të mëdha me ujë.

Udhëzimet

Për të përgatitur bakllavën, së pari duhet ta përgatisni brumin. Brumi është i përbërë nga vezët, vaji, qumështi dhe mielli. Kjo përzierje lihet e mbuluar me pecetë kuzhine për 1-2 orë. Pastaj ky brum merret dhe ndahet në 50 kuleqë, të vegjël (sa e kuqja e vezës). Merren nga 10 kuleqë dhe të hollohen një nga një me nisheste. Pastaj merren që të 10 kuleqët dhe ndërmjet u vihet nga pak nisheste.

Të gjitha së bashku hollohen sa tepsia. Këtë veprim e përsëritni pra 5 herë, derisa t’i radhitni kështu 50 kuleqët e bërë. Dy nga petët e holluara shtrihen në tepsi, vihen arrat e coptuara dhe sipri vihen tri petët e tjera. Pasi që të vihen të gjitha petët, bakllava prehet në copëza të pjerrëta. Pasi të prehet bakllava, ngadalë ia vini përsipëri gjalpën e shkrirë.Futeni në furrë të ngrohtë dhe e piqni për 2-3 orë në 150 C.

Sherbeti i Bakllaves

Të vlohet uji rreth 30 minuta derisa të trashet sherbeti. Bakllava duhet të jetë e ftohtë kur përvlohet me sherbetin e nxehtë. Përfundimisht e lini të ftohet për t’u servuar.