Sheqeri armiku i shëndetit – rregulla të reja për fëmijët

Sheqeri armiku i shëndetit – ndryshojnë rregullat e ushqyerjes për fëmijët. Mes karameleve që dhuron gjyshja, ëmbëlsirave që bën mami në shtëpi dhe pijeve me gaz që lejon babi të dielave, fëmijëria e shumë vogëlushëve kthehet në një mbretëri të artë të ëmbëlsuar nga ledhatimet e familjes dhe nga shumë e shumë sheqer.

Nëse deri tani pediatrit nuk kanë qenë dhe aq të rreptë në lidhje me sheqerin në ushqimin e fëmijëve, tashmë një studim i American Heart Association ka vënë alarmin: sheqeri u dashka ndaluar. Në kohën kur obeziteti sa vjen e përhapet, prindërve të sotëm u këshillohet të mos u japin sheqer të vegjëlve.

Ndaloni sheqerin ndaj femijeve te pakten deri sa te bejne 2 vjeç

Ndalimi total bëhet deri në moshën 2 vjeçare. Por pastaj, deri sa të mbushë 18 vjeç, nuk duhet t’i kalojë 25 gram në ditë: gjashtë lugë të vogla sheqer. Disa ushqime përmbajnë sasi të lartë sheqernash, por nuk janë në listën e ushqimeve të ndaluara. Frutat dhe qumështi, ku sheqernat janë në gjëndjen e tyre natyrale, nuk ndalohen aspak, përkundrazi, të parat rekomandohen gjithmonë. Po ku qëndron ndryshimi mes frutave e qumështit nga njëra anë dhe atyre që konsiderohen si ushqime “të pashëndetshme” nga ana tjetër?

Sheqeri armiku i shëndetit – Cilat janë sheqernat problematike?

Akuza e mjetëve për ëmbëlsirat e gatshme apo pijet nëpër kanoçe është se përmbajnë “kalori të zbrazëta\”. Kjo do të thotë që nuk shoqërohen me vlera ushqyese për organizimin si proteinat, karbohidratet, vitaminat, kalciumi. Përshtatja e një stili të tillë jetese sigurisht që nuk i lumturon dhe aq shumë fëmijët. Prej kohësh autoritet ndërkombëtare të ushqimit po kërkojnë t’u japin prindërve të dhënat e duhura mjekësore për sasinë e sheqerit që një fëmijë duhet të konsumojë në ditë. Disa vende madje përpiqen të luftojnë obezitetin duke kontrolluar shitjen e pijeve të gazuara. Duke shpresuar se kështu do të ulet konsumi.

Pijet me gaz, armiqt e përhershëm të shëndetit

Javën e shkuar, në në fund Britania e Madhe propozoi një taksë të re mbi pijet e gazuara. Kjo takse do të hyjë në fuqi në vitin 2018. Lekët e kësaj takse do të shkojnë në ndërtimin e strukturave sportive apo promovimin e jetës së shëndetshme. Para Londrës, edhe Meksika, Franca, Belgjika dhe vendet Skandinave u janë drejtuar politikave fiskale për të reduktuar konsumimin e të sheqernave. The post Ndryshojnë rregullat e ushqyerjes për fëmijët e vegjël appeared first on Kuzhina Shqiptare.