Zbuloni shijen e patates së pjekur me djathë në këtë recetë
- dua.com Team ·
- 26.03.2020 ·
- Receta ·
- 2 min read
Zbuloni recetën e patates së pjekur me djathë. E mira e patateve është se mund të gatuhen në mënyra të ndryshe dhe na japin secilën herë një shije unike që të gjithë e duam. Kjo është një nga ato receta me patate që ndoshta nuk i keni ditur. Prandaj provojeni dhe jepni patateve të reja një dimension të ri me këtë recetë interesante!
Përbërësit e recetes se patates së pjekur me djathë:
- 1 kg patate,
- 500 ml qumësht të nxehtë;
- 150 g djathë gjysmë të fortë të grirë në rende;
- 50 g djathë të fortë të grirë në rende;
- 50 g gjalpë,
- 50 g miell të bluar egër;
- 3 lugë fletë majdanozi të grirë;
- 1 lugë e vogël mustardë;
- arra muskati të bluara;
- kripë;
- piper.
Përgatitja
Patatet pastroni dhe pritni në feta të holla. Qitni në tenxhere me ujë të ftohtë, qitni kripë dhe nxehni në zjarre të fortë. Kur uji të vlojë, zieni edhe 10 minuta. Kulloni patatet dhe qitni në enë të lyer me yndyrë për pjekje.
Përgatitni salcë beshameli ashtu që më parë në gjalpin e nxehur shkurtimisht ta fërgoni miellin, pastaj gradualisht shtoni qumësht duke e përzier vazhdimisht në mënyrë që të mos krijohen toptha mielli.
Salcën zieni rreth 4 minuta, pastaj hiqeni nga zjarri dhe shtoni arra muskati, piper, majdanoz, mustardë dhe djathin gjysmë të fortë dhe djathin e fortë. Salcën e përgatitur me djathë qiteni sipër patateve, përzieni pak dhe piqni në 180 gradë Celsius rreth 45 minuta. Mos harroni ta sherbeni te ngrohte dhe ju bëftë mirë!
