Shikoje tani →Historiku i Top Channel
Top Channel u themelua nga Presidenti i ndjerë i kompanisë Top Media, zoti Dritan Hoxha në 30 korrik 2001, duke patur që në fillim të tij, një objektiv të qartë, për të qenë televizioni i të gjithë shqiptarëve përmes trekëndëshit: informim, argëtim, edukim. Një synim që Top Channel është përpjekur ta realizojë ditë pas dite, me profesionalizëm dhe cilësi, çka ka bërë që televizioni të konsiderohet nga të gjithë tashmë si media më e madhe dhe më e rëndësishme në vend dhe në hapësirën mbarëshqiptare. Nisur nga cilësia e lartë e emisioneve informative, argëtuese dhe edukuese, shumë shpejt nga data e krijimit të tij Top Channel fitoi betejën me konkurencën duke thithur audiencën shqiptarë. Që në vitin 2003, një anketim serioz e radhiti Top Channel të parin, me shikueshmërinë më të lartë në vend, mbi 50 perqind, audience e Top Channel ka njohur rritje, duke arritur në përqindje edhe më të larta në anketimet apo sondazhet e tjera në vijim, deri në ditët e sotme.
Top Channel nisi për herë të parë transmetimet në 21 dhjetor 2001 dhe në vetëm pak muaj arriti që përmes stafit të gazetarëve, teknologjisë së re dhe ideve inovative të shndërrohej në ekranin kryesor dhe më të dashur për shqiptarët. Pas fillimit të transmetimit me edicionet informative, një risi për mënyrën e trajtimit dhe përcjelljes së lajmeve në tregun e atëhershëm mediatik, Top Channel zgjeroi shumë shpejt gamën e programeve të tij me emisione qe nga ato per me te rinjtë deri te ato të debatit politik. Viti 2002 shënoi fillimin e emisionit Shqip nga gazetarja Rudina Xhunga, të parit emision të debatit politik dhe që tashmë është kthyer në nje studio të debatit mbarëshqiptar për tema që prekin të gjitha aspektet e shoqërisë, çështje që kanë të bëjnë me zhvillimet në vend, por edhe ato matanë kufijve zyrtarë, duke u shtrirë në tërë hapësirën mbarëshqiptare. Menjeherë më pas nisën edhe emisionet e tjera si Ora 0 apo Top Select. Plot një vit pas krijimit të Top Channel, nisi transmetimet emisioni investigativo-satirikFiks Fare, i cili pati një sukses të menjëhershëm me denoncimin e fenomeneve negative, dukurive të korrupsionit, problemeve sociale me të cilat përballen cdo ditë qeverisja dhe shqiptarët.
Programet e Top Channel u pasuruan ne vijim me të tjera programe te suksesshme, të cilat tashmë janë kthyer në shoqërues të përhershëm të netëve të shqiptarëve. i tillë është edhe Top Show, një emision që përmes debatit dhe rrahjes së mendimeve trajton të gjitha temat e shoqërisë shqiptare. Pas tij menjëherë nisi rrugëtimin e tij edhe spektakli i humorit Portokalli, që çdo të dielë në mbrëmje mban të mbërthyer përballë ekranit miliona shqiptarë, brenda dhe jashtë Shqipërisë. Top Story është kthyer tashmë në arenën kryesore të debatit politik, një emision me audiencë të lartë, që çdo të enjte ka pritur në studion e tij protagonistët kryesorë të politikës në Shqipëri, Kosovë e Maqedoni, por edhe personalitete të rëndësishme të politikës europiane dhe më gjerë. Prej vitit 2008, Top Channel nisi transmetimin e spektaklit E diell, një emision argëtues që plotëson shijet e shqiptarëve dhe shoqëron çdo të dielë të tyre, deri në mbrëmje. Një sukses të madh, Top Channel arriti përmes transmetimit të reality show më të famshëm në të gjithë botën, Big Brother, spektaklet javore të të cilit deri në natën finale kanë mbërthyer përpara ekranit thuajse të gjithë, të madh dhe të vogël.
Proçesi Sportiv mbledh çdo të hënë në mbrëmje të apasionuarit e sportit me diskutimin e temave të nxehta të kampionatit shqiptar të futbollit, kampionateve kryesorë në Europë, por edhe ngjarjeve të tjera të rëndësishme të jetës sportive.
Një tjetër maratonë, e cila bashkon dhe pasuron shqiptarët është edhe Top Fest, festivali i muzikës mbarëshqiptare që për edicione të tëra ka sjellë muzikën më të mirë të artistëve të afirmuar shqiptarë, por edhe ka lançuar drejt suksesit artistët e rinj.
Risia më e fundit e Top Channel ishte një tjetër patentë e njohur dhe që ka arritur majat e suksesit në shumë vende të rëndësishme te Europës. Emisioni “100 Milionë” në vetëm pak kohë mundi të mbledhë një audiencë tepër të lartë dhe të kthehet në një nga më të shikuarit në Shqipëri.
Por Top Channel nuk ndalet vetëm këtu. Çdo sezon ai përcjell për miliona shqiptarë një larmi emsionesh të tjerë, prodhime të tij dhe të kompanive më të njohura në botë si Endemol, Freementle Media dhe Talpa, filmash, dokumentarësh dhe natyrisht edicione speciale për mbulimin, pasqyrimin dhe analizimin e çdo ngjarjeje apo evenimenti të rëndësishëm në Shqipëri dhe në trevat shqiptare, Kosovë e Maqedoni. Top Channel është televizioni kryesor në Shqipëri për saktësinë e lajmeve të orës së fundit dhe lidhje të drejtperdrejta të ngjarjeve më të rendësishme të vendit. Burimi kryesor i informacionit për të gjithë shqiptarët sepse motoja jonë është besimi: ne jemi te pavarur, te paanshëm dhe të ndershëm, pasi në qendër te gjithçkaje që ne bëjmë qëndron publiku dhe vetëm interesat e publikut.