Lidhjet në distancë – Si të kemi sukses?

Lidhjet në distancë po shtohen dita ditës. Bota po bëhet çdo ditë e më vogël. Sigurisht jo në aspektin e madhësisë aktuale, por në drejtim të lidhjeve. Teknologjitë e reja po i bëjnë gjithnjë e më të lehta lidhjet në distancë.

Megjithatë, nuk ndihemi gjithmonë kështu kur jemi duke jetuar në anën tjetër të botës nga partneri ynë. Pavarësisht se sa është globalizuar ekonomia, lidhjet pa kontakte të rregullta ballë për ballë janë të vështira.
Një studim i kryer me disa çifte në distancë sjell tre këshilla kryesore për t’u siguruar që lidhja juaj të tejkalojë distancën.

Vendosni qëllime para vetës

Shumë gjëra në jetë janë të menaxhueshme për aq kohë sa keni një plan, sidomos kur bëhet fjalë për lidhjet në distancë. Puna e mërzitshëm është më e tolereushme kur mendoni promovimin që do të merrni. Po njësoj edhe lidhjet në distancë kanë nevojë për një qëllim, një dritë në fund të tunelit, për të bërë punën e vështirë të ndihet e vlefshme.

Ndoshta është e vështirë të flisni për të ardhmen, sidomos në një marrëdhënie të re. Por, nuk ka kuptim të kaloni një vit në një lidhje afatgjatë vetëm për të kuptuar se në fund partneri juaj nuk ka pasur qëllim të vazhdoj apo ndërpresë këtë lidhje.

Kaloni kohën tuaj së bashku në mënyrë të veçantë

Një nga përfitimet e të qënit në lidhje afatgjatë në distancë është se kur kaloni kohë sëbashku, është me të vërtetë kohë cilësore. Shumë çifte bien në rutinë sa herë shohim njëri-tjetrin, shpesh koha e tyre së bashku përfundon duke diskutuar filmat e fundit në Netflix.

Në një situatë të tillë, ky lloj i “përtacisë në lidhje ‘ duhet të shmanget. Në vend të kësaj bëni plane për një fundjavë largë, shetije jashtë, dhe plot aktivitete të tjera zbavitëse. Duke pasur diçka të veçantë për të bërë së bashku ndihmon vullnetin për të rritur disponimin tuaj, përderisa jeni larg.

Qëndroni në kontakt për të mbajtur lidhjet në distancë

Komunikimi në ditët e sotme është i lehtë. Ama, zhvendosja e fokusit të  nga sasia në cilësi ndihmon për të mbajtur gjërat interesante. Kjo mundëson që të njiheni me njëri-tjetrin më shumë edhe pse jeni larg. Mesazhet me tekst janë të dobishme për një përshëndetje të shpejtë, por vështirë të lidheni në një nivel më të thellë.

Në vend të kësaj, pse mos ta provoni të shkruani letra? Nuk ka asgjë më romantike se të pranoni një letër të shkruar me dorë me post. Plus që mbeten një kujtim i mrekullueshëm që mund ta lexoni edhe në vitet në vijim.

Sigurisht të gjitha marrëdhëniet janë unike dhe ajo që funksion për një çift mund të mos funksionojë për një tjetër kështu që përgatituni për kompromis dhe për të eksperimentuar. Vazhdoni të flisni me njëri-tjetrin në lidhje me çdo shqetësim apo frustrim që mund të keni. Me pak planifikim dhe kujdes marrëdhënia juaj duhet të jetë në gjendje të tejkaloj çfardolloj distance.

20 aktivitete të përbashkëta për çiftet në distancë në kohërat e koronavirusit

Të gjithë e dimë se lidhjet ne distance nuk janë të lehta, ndërsa me situatën e krijuar nga koronavirusi gjërat janë bërë akoma më të vështira. Tani që kufijtë e shumë vendeve të botës janë mbyllur, nuk dini se kur do të jetë hera tjetër që do ta shihni njëri-tjetrin.

Padyshim kjo është një gjëndje e paimagjinueshme dhe askush nuk ka qënë i përgaditur për t’u përballur me diçka të tillë. Mirëpo dua.com, si një platformë që synon bashkimin e njerëzve dhe krijimin e marrëdhënieve pozitive me njëri-tjetrin, sjell disa këshilla se si mund ta kaloni këtë situatë sado larg që jeni nga i dashuri/a juaj.

Komunikoni më shumë se çdo herë tjetër për të mbajtur lidhjet në distancë

Filllojmë me komunikimin i cili është thelbësor gjatë këtyre ditëve. Edhe nëse jeni duke punuar nga shtëpia dhe jeni vërtet të zënë, edhe nëse jeni duke bërë punë në shtëpi ose çfarëdo tjetër mos harroni t’i kushtoni kohën e duhur partnerit tuaj.

Fatmirësisht, me teknologjinë e sotme, çiftet në distancë kanë mundësi të kalojnë kohë me njëri tjetrin dhe të merren me aktivitete të ndryshme online.
Platforma dua.com ju ka bërë një listë të gjërave që mund t’i bëni së bashku me të dashurin tuaj në mënyrë që vetizolimi në kohërat e koronavirusit të kalojë më lehtë.

• Komunikoni sa më shumë në telefona apo me mesazhe.
• Bëni plane për të ardhmen.
• Aktivizoni thirrjet me video.
• Shkruani atij/asaj një poezi.
• Shikoni filmin e njejtë në të njëjtën kohë duke përdorur programacionin e posatshëm të Netflix-it.
• Lexoni të njëjtin libër dhe pastaj ndani mendimet dhe komentet tuaja për të.
• Vendosni të gatuani të njëjtin ushqim dhe ndani rezultatin me njëri-tjetrin.
• Praktikoni një gjuhë të re së bashku, sidomos nëse ju pëlqejnë gjuhët e huaja.
• Mësoni diçka të re si psh kaligrafi, të pikturoni, shkruani etj.
• Sfidoni njëri-tjetrin me lojëra të përbashkëta online, ose edhe me videogame, ku secili prej jush mund të jetë një personazh. Pak sfidë nuk i bën keq askujt edhe pse në distancë.

Disa sugjerime të tjera nga dua.com për lidhjet në distancë

• Shikoni fotografitë tuaja. Kujtoni momentet e lumtura dhe ndajini këto mendime në një video-telefonatë.
• Shprehni se jeni të përmalluar dhe sa shumë ju mungon partneri dhe anasjelltas.
• Organizoni një darkë romantike përmes Facetime, shoqëruar me një gotë verë apo një darkë speciale.
• Planifikoni udhëtimin tuaj të ardhshëm kur të përfundojë kjo situatë, dhe premtojini njëri-tjetrit një takim të magjishëm. Secili prej jush do e presi me padurim atë moment.
• Përgatisni një listë me këngët tuaja të preferuara dhe ndajeni me partnerin. Ndani preferencat që keni dhe dëgjoni ato që preferon partneri juaj.
• Luani kuize online së bashku.
• Komunikoni rreth karrierës ose edukimit të mëtejshëm, madje organizoni të merrni pjesë në ndonjë kurs trajnimi që do t’ju përfshijë të dyve.
• Mësoni rreth një teme të re duke shikuar dokumentare dhe ndajeni këtë me njeriun e zemrës.
• Shfrytëzoni këtë situatë për të njohur më mirë njëri-tjetrin por edhe veten. Kushtojini kohë vetes, kohë që më parë e ndanit midis punës dhe partnerit tuaj.
• Caktoni një kohë të njejtë për meditim ose ushtrime.

Mos harroni të lani duart, të kujdeseni për shëndetin e gjithashtu edhe për lidhjen tuaj. Mendoni pozitivisht, kjo situatë do të përfundojë dhe gjithçka do t’i kthehet normalitetit. Me dashuri dhe përkushtim çdo gjë mund të kaloj më lehtë.