Doni takim? Ja si të ftoni dikë në takim

A keni edhe ju dilema se i të ftoni dikë në një takim?- Para se t’ju themi se cila është mënyra më e mirë për të ftuar dikë në një takim, na lejoni t’ju themi se nuk ka vetëm një mënyrë fikse. Ok, na lejoni t’jua shpjegojmë!

Në të vërtetë, nuk ka asnjehërë një mënyrë fikse se si mund të ftosh dikë për të dalë, për të pirë një kafe etj., por ka udhëzime të cilat mund t’ju ndihmojnë. Disa nga këto udhëzime mund të bëjnë për ju e disa jo. Ky është një rrezik që duhet ta ndërmerrni vet.

Takimi është një nga momentet më emocionuese të jetës, qoftë nëse jeni duke e ftuar dikë për herë të parë apo keni dëshirë ta çoni një lidhje në nivelin tjetër. Të ftoni dikë në takim mund të duket sfiduese, por me qasjen e duhur, mund të jetë një eksperiencë e lehtë dhe natyrale.

1. Kuptoni sinjalet e interesit

Përpara se të ftoni dikë në takim, është e rëndësishme të kuptoni sinjalet që ata mund të jenë të interesuar. Disa shenja të zakonshme për të vënë re janë:

• Kontakti i vazhdueshëm me sy nëse po njiheni live, ose biseda aktive në internet
• Biseda të gjata dhe të natyrshme – kjo vlen për të dyja versionet, si live si në njohje online
• Interesimi për jetën tuaj personale gjatë bisedave do të thotë se personi tjetër është i interesuar
• Përshírja e tyre në biseda të hapura dhe flirtuese është një tjetër shenjë që personi është i hapur

2. Zgjidhni momentin e duhur për takim

Koha kur e ftoni dikë mund të ndikojë në përgjigjen që do të merrni. Mundohuni të zgjidhni një moment kur jeni të dy rehat dhe biseda është e rrjedhshme. Përpiquni pararakisht të lexoni disponimin dhe situatën në të cilën personi përballë ndodhet. Nëse shihni që ata janë të zënë me diçka kohët e fundit apo të shpërqendruar, mbase nuk është koha më e mirë.

3. Zgjidhni fjalët e duhura

Kur të ftoni dikë, sigurohuni që të jeni të qartë dhe të sigurt. Disa shembuj të qasjeve të natyrshme janë:

• “Do të doja të kalonim ca kohë së bashku, çfarë mendon për një kafe këtë fundjavë?”
• “Kam një vend të preferuar për darkë, do të doja shumë ta vizitonim së bashku.”
• “Duket se kemi shije të njëjta për filmat, pse të mos shkojmë në kinema këtë javë?”

Kujdesuni që gjithhmonë të reflektoni pozitivtet në kërkesën tuaj për takim dhe ta bëni atë me mendje dhe me zemër të hapur.

4. Zgjidhni një aktivitet të mirë menduar

Një takim nuk ka pse të jetë gjithmonë klasik. Madje, lloji i ftesës që bëni, varësisht a është aktivitet në natyrë apo aktivitet kulturor, thjeshtë kafe, darkë apo film, mund të luaj rol në përgjigjen e palës tjetër. Prandaj, zgjidhni diçka që reflekton interesat tuaja dhe të personit që po ftoni. Disa ide kreative janë:

• Ftesë për shkuarja në një event kulturor
• Një ekskursion ose shëtitje në natyrë
• Një lojë tavoline apo sfidë sportive
• Njē film në kinema që mund t’ju pëlqej të dyve
• Një festival lokal që mbahet këto ditë
• Një darkë ne një restorant unik
• Një shfaqje në teatër

5. Mbani një qasje pozitive dhe të sigurt

Siguria në vetvete është çelësi kur kërkoni të dilni bashkë me dikë për herë të parë. Kur jeni të qartë dhe të natyrshëm, tjetri do të ndihet më rehat të pranojë ftesën tuaj. Edhe nëse marrësja ose marrësi i ftesës nuk mund të vijë në takim, mos e merrni personale.

6. Jini të hapur ndaj përgjigjeve

Jo çdo person do të pranojë një ftesë, dhe kjo është krejt normale. Nëse merrni një “jo”, respektojeni dhe mos ushtroni presion. Një “jo” sot mund të jetë një “po” në të ardhmen.

Nëse përgjigja është pozitive, mos harroni të shprehni entuziazmin tuaj në mënyrë të natyrshme. Një buzëqeshje apo një “më vjen shumë mirë!” mund ta bëjë personin tjetër të ndihet më i sigurt për vendimin e tij. Në rastin e një përgjigjeje të pavendosur, mund të jepni hapësirë duke thënë diçka si: “Mendoje dhe më thuaj nëse të përshtatet!”. Kjo qasje tregon se jeni të qetë dhe e respektoni kohën e tjetrit.

7. Përdorni rrjetet sociale me zgjuarsi

Nëse nuk jeni ende gati ta ftoni dikë në takim ballë për ballë, mund ta filloni bisedën në rrjetet sociale. Një mesazh i thjeshtë për diçka që keni të përbashkët mund të jetë hapi i parë drejt një takimi.

8. Tregoni veten tuaj të vërtetë

Nuk ka nevojë të imitoni dikë apo të mbivlerësoni vetveten. Kur kërkoni takim, jini autentikë, sepse një lidhje e vërtetë krijohet mbi ndershmërinë dhe sinqeritetin.

9. Planifikoni gjithmonë me kujdes

Nëse personi pranon ftesën, sigurohuni që të keni menduar detajet si vendi, koha dhe atmosfera e takimit. Një plan i mirë organizuar e bën takimin më të këndshëm.

• Zgjedhja e vendit: Mundohuni të zgjidhni një vend që përshtatet me interesat tuaja dhe të personit që po ftoni. Një ambient i qetë ndihmon në një bisedë të lirshme, ndërsa një aktivitet argëtues si bowling ose një shëtitje në park mund ta bëjë takimin më dinamik.
• Koha dhe dita: Zgjidhni një ditë dhe orar që është i përshtatshëm për të dy. Takimet në mbrëmje janë më romantike, ndërsa një kafe gjatë ditës është më e rastësishme dhe e lehtë.
• Rezervimet dhe përgatitja: Nëse keni zgjedhur një restorant ose një aktivitet që kërkon rezervim, sigurohuni që gjithçka të jetë gati paraprakisht për të shmangur stresin.
• Plan B: Gjithmonë është mirë të keni një alternativë në rast se planet ndryshojnë në minutën e fundit. Kjo tregon që jeni të përgatitur dhe të kujdesshëm.

10. Argëtohuni dhe mos kini frikë nga refuzimi për takim

Takimet janë për t’u shijuar, prandaj mos u stresoni shumë. Edhe nëse nuk shkon siç e keni pritur, është një eksperiencë e re për të nxjerrë mësime.

Ka shumë arsye pse dikush mund të refuzojë, dhe kjo nuk ka të bëjë domosdoshmërisht me ju. Pranojeni me maturi dhe buzëqeshje, duke thënë diçka si: “Nuk ka problem, të uroj një ditë të mbarë!”. Kjo tregon pjekuri dhe vetëbesim.

Konkluzion

Ftesa për një takim nuk duhet të jetë një proces i vështirë. Me qasjen e duhur, sigurinë dhe respektin për tjetrin, mund të krijoni një eksperiencë të bukur dhe të paharrueshme. Në fakt, gjatë një njohje, ajo duhet të vijë natyrshëm dhe të jetë një moment i bukur dhe i frikshëm nga dy palët. A jeni gati të bëni hapin e parë? Neve na ngelet veçse t’ju urojmë fat në takimin tuaj të radhës!