Besarta & Shkëlqimi

Besarta nga Lipjani dhe Shkëlqimi nga Kumanova sot jetojnë një jetë të lumtur, të martuar në Zvicër.
Dy zemra shqiptare, që i ndante një distancë e madhe, i bashkoi dashuria,
falë aplikacionit  dua.com – që bashkon shqiptarët, kudo që ndodhen.

Kush janë Besarta dhe Shkëlqimi?

Besarta (34), një vajzë e suksesshme nga Lipjani, e shkolluar, me karrierë të ndërtuar me kujdes ne fushën e marketingut dhe politikës. Shkurt e shqip, me  rrënjë të thella në Kosovë.

Shkëlqimi (34), me prejardhje nga Kumanova, i rritur e i shkolluar në Zvicër, ndërmarrës i ri e i suksesshëm, me një jetë të stabilizuar profesionale e biznes personal në vendin ku jeton.

Për Besartën nuk ishte aspak e lehtë ideja e braktisjes së jetës së saj në Kosovë për të filluar nga e para në Zvicër. Edhe Shkëlqimi nuk besonte se do gjente dikë që do ishte e gatshme të linte gjithçka për dashurinë. Por, dashuria ishte më e fortë se dyshimet dhe distanca kur dua.com i bashkoi. 

Stigma për dating apps dhe diferenca e dua.com

Ndonëse sot janë bashkë e të lumtur, Besarta nuk e kishte menduar kurrë se do ta gjente dashurinë në një dating app.

 “Në përgjithësi egzistonte një lloj stigme në shoqërinë tonë për dating apps– dhe mendoja që shumica hyjnë aty për qëllime të shpejta, si one-night stands, e jo për diçka serioze,” – thotë ajo me sinqeritet. 

Megjithatë, në mars të vitit 2021, vetëm një ditë para se të mbushte 30 vjet, ajo vendosi ta shkarkonte dua.com.

Zgjidhja për problemet me ankthin dhe vetminë

Edhe sot ajo e kujton saktë datën kur u bë match me Shkëlqimin, Më 16 mars 2021, një ditë para ditëlindjes së saj të 30-të. Ky match erdhi vetëm 3-4 ditë pasi Besarta hyri në dua.com.

Atë kohë Besarta e kujton si një kohë reflektimi, me plotë sfida që pasi kishte kaluar një periudhë ankthi, ndihej disi vetem. Ishte 30 vjeçare, single. Kishte ardhur koha për një ndryshim në jetën e saj. Por nuk ishte mosha ajo që e shqetësonte. Ishte vetmia. 

“Doja të flisja me dikë që më kuptonte dhe që më dëgjonte. Të plotësoja veten në mungesën që ndjeja. Ndonjëherë të mungon dikush edhe kur se ke ose kur nuk e sheh” – rrëfen ajo. Për të ndryshoi gjithçka në momentin që e njoftoi Shkëlqimin.

Kur rrugët e dashurisë kalojnë në Tiranë

Distanca mes tyre ishte e madhe nga Kosova në Zvicër, plus pandemia e Covid-19 i bëri udhëtimet të vështira. Si për t’i bashkuar simbolikisht trojet shqiptare, fati deshi që ata për herë të parë të takoheshin në kryeqytetin shqiptar, në Tiranë. 

Besartës ju desh të shkonte nga Kosova në airportin Rinas të Tiranës për ta pritur nga Zvicra një djalë që nuk e kishte takuar kurrë. 

E vetme, me shumë emocione dhe një pyetje që i sillej në mendje:  “Po nëse nuk vjen?”. “Mendoja, çka nëse unë po shkoj deri në Tiranë dhe ai nuk vjen e më le në airport duke prit”, tregon ajo. Megjithatë kishte një intuitë se gjërat do të shkonin mirë dhe ashtu ndodhi, ai erdhi.

“Rrezikova duke mos i treguar babit” 

“U nisa nga Lipjani me Taxi për në airport të Tiranës. Aty duhet ta prisja, që pastaj të vazhdonim bashkë takimin tonë. Nuk e njihja as nuk më njihte.
Për këtë takim ju kisha treguar vetëm motrës, vëllaut edhe nënës, ndërsa babait jo”, kujton Besarta. 

Tutje ajo thekson se është jashtëzakonisht e lidhur me babain, por kishte hezitim t’i tregonte se po shkonte të takohej me një djalë nga Zvicra, që nuk e njihte. Hezitim që e ka secila vajzë shqiptare kur vjen puna të flas me babain për partnerin e jetës.

Prej dashurisë në ‘zë të parë’ tek martesa

Besarta shprehet e bindur se dashuria e tyre ishte “dashuri në zë të parë”. Pra, prej kur filluan të flisnin, e t’ja dëgjonin zërin njëri-tjetrit.
Pastaj, pas takimit të parë, komunikimi nuk ndaloi kurrë. Për muaj të tërë, të dy diskutuan bindjet, vlerat dhe planet për të ardhmen.  

Pastaj ajo e vizitoi Shkëlqimin edhe në Zvicër. Pa si ishte jeta e tij. Dëgjoi çdo ditë zërin e tij – këtë herë jo në telefon, por në kuzhinë, në shëtitje, në heshtje.

“Kur mora vaksinat kundër Covidit, shkova për herë të parë në Zvicër dhe qëndrova 10 ditë me të. E pashë nga afër si ishte jeta e tij dhe e kuptova që mund ta ndërtoja të ardhmen atje,” – tregon Besarta.

Një jetë e re në Zvicër dhe një familje e re

Dashuria e tyre u bë zyrtare në gusht 2021, u  shënua me fejesë në gusht 2022 dhe u kurorëzua me martesë në gusht 2023.
Dashuria e tyre u plotësua edhe më shumë kur në nëntor të vitit 2024 erdhi në jetë vajza e tyre  simboli më i bukur i bashkimit të tyre.

Karaktere të ndryshme – i bashkon dashuria

Besarta është shpërthyese, e gjallë, energjike. Shkëlqimi është i qetë, i matur, me një butësi që e mbështet. “Kemi gjetur balancën që na mungonte,” – thotë ajo. Dhe kjo është bukuria e dashurisë së vërtetë: jo të jesh i njëjtë me dikë, por të jesh i plotë pranë dikujt.

Në fund të ditës, historia e Besartës dhe Shkëlqimit është më shumë se një histori dashurie. Është dëshmi që edhe kur je në një periudhë të errët vetmie, një vendim i vogël mund të ndezë një dritë të madhe. Për ta, dua.com nuk ishte thjesht një aplikacion. Ishte një derë që u hap kur kishin nevojë.