Dodona & Benni

Në 25 prill 2024, Dodona ishte në Kosovë, Benni në Amsterdam. Ajo kishte instaluar dua.com vetëm një ditë më parë, ai e kishte prej pak ditësh. Një match i thjeshtë u kthye në biseda 7-orëshe, në një propozim mes bores në Brezovicë, dhe në një vajzë të vogël që sot mban emrin e platformës që i bashkoi.

Dodona ka lindur dhe është rritur në Zvicër, por rrënjët i ka në Prishtinë. Me 29 vjet, ajo e din mirë se çfarë do të thotë me jetuë mes dy botëve – asaj zvicerane dhe asaj shqiptare. Për të, partneri duhej të kuptonte këtë ndërthurje, jo vetëm kulturën, por edhe sfidat sistematike që i përballen çiftet kur njëri prej tyre nuk është i integruar në gjuhë dhe sistem.

Benni, 33 vjet, ka lindur në Aargau. Babai i tij është zviceran, nëna shqiptare nga Gjakova. Edhe pse u rrit në Zvicër, ai gjithmonë e kishte të qartë: donte me gjetë një shqiptare për grua. Ashtu siç kishte bërë edhe babai i tij. E kishte parë te prindërit e vet – kujdesin, mënyrën si dashurojnë femrat shqiptare, si e krijojnë dhe mbajnë familjen. Vlerat familjare ishin arsyeja kryesore.

Dodona e kishte dëgjuar për dua.com në rrjetet sociale prej kohësh. Shoqet ia kishin thënë disa herë me e instalu, dhe njihte njerëz që ishin njoftuar përmes platformës, por disi momenti s’kishte ardhur. Deri më 24 prill 2024, kur e gjeti veten pa punë në zyrë dhe vendosi: pse jo?

Ishte dita kur femrat kishin Premium falas. Ajo e kishte vendosur emrin thjesht “Do” – s’donte me u gjetë me emrin e vërtetë. Kur pa që dikush i kishte bërë like dhe i shkroi, mesazhi i parë ishte: “Do – Dona?” Kështu filloi biseda e tyre.

Benni e kishte provu Bumble më parë, por aty gjente vetëm profile të rreme dhe asnjë shqiptare. Kur pa reklamën e dua.com, e instaloi menjëherë. Pas 4 ditësh, erdhi match me Dodonen.

Pas një dite bisedash në platformë, kaluan në Instagram, e nga aty menjëherë në WhatsApp. Pas një jave, të dy bashkë e fshijnë aplikacionin. S’kishin nevojë për match tjera.

Takimi i parë ndodhi menjëherë sapo u kthye Dodona prej Kosove – në mundësinë e parë. Dy javë pasi kishin fillu me bisedu, u takuan në Zurich pas pune. Benni e priti 1 orë, sepse Dodona u vonua pak në trafik, pak tu u bë gati. Tash e kujtojnë duke qeshë sa me vlerë ishte ajo pritje – i bëri edhe më kureshtar për njëri-tjetrin.

Shkuan me honger sushi, shetitën prej Hauptbahnhof deri te liqeni. 7 orë kaluan si 1 orë. Kurrë s’u ndal muhabeti, kurrë s’u sos temat. Menjëherë vendosën për takimin tjetër, pas 2-3 ditëve.

Për Bennin, ajo që i ra në sy ishte buzëqeshja e Dodones dhe natyra e saj që flet shumë. E krijonte non-stop shansin me fol tema të ndryshme, pa e kompliku asgjë. Kur Dodona i tha se për të sendi më i rëndësishëm është me qenë njeri i mirë dhe shqiptar, atij ia fitoi komplet zemrën.

Për Dodonen ishte me rëndësi që Benni të ishte i njëjti njeri si në mesazhe, ashtu edhe live. Ka shumë njerëz që shiten si dikush tjetër, e kur del live del krejt tjetër kush. Te Benni e gjeti një person autentik – bash atë me të cilin kishte shkru. Mundi me folë e me qeshë me të, me u ndië e hapur dhe me pasë humorin e njëjtë.

Takimi i dytë ishte në Escape Room – siç thonë vetë, “me kqyrë a kemi diçka në tru.” Pastaj shkuan tek një restorant mexican me honger dhe shetitën përsëri. 8 orë tjera që dukeshin pak. S’mundeshin pa njëri-tjetrin.

Në fillim të korrikut, pas 3 muajsh bashkë, erdhi momenti i madh: Benni u vesh me maicën e Shqipërisë kur luajti Shqipëria kundër Spanjës dhe shkoi me taku prindërit e Dodones. Ishte nervoz, i stresuar, por në fund dita shkoi shumë mirë.

Një moment tjetër që Benni e kujton me krenari: kur u takuan prindërit e Dodones me prindërit e tij. Babai i Bennit filloi me folë direkt gjermanisht me ta, e pranuan njëri-tjetrin si me pasë njoftë një kohë të gjatë.

Në nëntor 2024, Benni veç kishte vendosur: do ta blinte unazën. Me 32 vjet, kurr s’kishte qenë më i sigurt për diçka. Kur gjen një femër që përnime të pëlqen, s’ka arsye me pritë.

Ia lypi dorën prindërve të Dodones. Ata ia dhanë bekimin: “Është tu e bë Dodonen të lumtur, e kjo është më e rëndësishmja për ne.”

Në fund të dhjetorit, organizoi pushim në Kosovë. Shkuan me njoftë gjyshin e Dodones, pastaj në Gjakovë me njoftë gjyshen e Bennit, e pastaj u nisën për Brezovicë. Benni kishte rezervu darkë private me surprizë dhe muzikë.

Por fati donte diçka tjetër. Në Prizren ndalen me honger bukë, e Benni tha “qu se kemi rezervim në orën 18:00.” Por kishte ra borë e madhe. Taksitë s’shkonin. Rrugët ishin të mbyllura. Benni duhej te dilte e me shty vetura ne rruge qe nuk mundeshin me leviz, qe me arritur në kohë për rezervimin dhe propozimin e përgatitur.

Super stres që u kthye në gëzimin më të madh. Kur Benni i propozoi, Dodona pranoi. Një storie që kurrë s’do ta harrojnë, që i lidhi edhe më shumë se kurrë bashkë. Një prej ditëve më të mira në jetë.

Në 2025 bënë festën e fejesës me familjarët – një fejesë shqiptare, ku u lyp dora, u propozua, u ndërruan unazat dhe u festua.

Në shkurt morën vesh që Dodona ishte shtatzanë. Ajo ia bëri surprizë Bennit me një dhuratë të vogël: disa çorape për fëmijë. Kur i pa, Benni e kuptoi menjëherë. Ishte njëri prej momenteve më të mira në jetë.

Kurorizimin e bënë me 25 prill – bash një vit pasi ishin bërë match në dua.com. Vetëm 30 veta, sepse ishte muaji i katërt i shtatzënisë. Pastaj shkuan në Venecia për foto shooting si muaj mjalti, bashkë me familjarët.

Kur morën vesh që do të ishte vajzë, vendosën mes dy emrave: Elvana dhe Dua. Por Elvana s’ishte emër shqiptar, ishte arab. Kurse Dua – ishte simbol për ta. S’ka asgjë më të madhe se dashuria. Emër shqiptar. Dhe platforma që i bashkoi. Ishte emri i përkryer.

Vajza lindi në tetor 2025. Sot jetojnë afër familjarëve të tyre në kantonin e Aargau.

Ka një detaj që e bën këtë storie edhe më të veçantë. Para 20 vjetësh, babai i Dodones dhe daja i Bennit ishin shokë të mirë dhe punonin bashkë. Babai i Dodones ishte shok edhe me burrin e tezes së Bennit. Dodona si fëmijë e kishte taku tezen e Bennit.

“Kjo e tregon sa e vogël është bota,” thonë të dy. “Gjithçka ndodh në kohën e vet. Dua.com ishte arsyeja që u bëmë bashkë, e pa të kurrë s’ishim gjetë njëri-tjetrin – e s’do ta kishim Dua’n tonë tash.”

Dodona thotë: “Kurrë s’kam mendu që mundem me qenë kaq e lumtur. Që kisha mujt me gjetë një njeri si Benni, që kujdeset kaq shumë për mua, që më kqyr non-stop, që më bjen dhurata.”

Një storie intensive dhe e bukur. Dy njerëz që e gjetën njëri-tjetrin në kohën e duhur, që e ndërtuan dashurinë me durim dhe autenticitet, dhe që tash e jetojnë atë çdo ditë – bashkë me vajzën e tyre të vogël.