Fejesa është një hap i madh dhe i rëndesishem në botën e secilit. Pra, si mund të kuptosh nëse je gati per fejesë?
Tabela e Përmbajtjes
Fejesa, edhe nëse jeni bashkë me dikë për një kohë të gjatë, edhe nëse ndiheni të sigurtë se do të kaloni jetën me ta, mund të jetë e vështirë të kuptoni saktësisht kur jeni të gatshëm të beni këtë hap.
Dhe në një mënyrë, kjo është një gjë e mirë – është një vendim i rëndësishëm dhe një që sigurisht nuk dëshironi ta merrni pa u menduar mirë.
Një gjë është e sigurtë, ti nuk mund të jesh kurrë 100 përqind e sigurtë se je e gatshme, ose se zgjedhja është e saktë. Ti thjesht duhet të sigurohesh që je e gatshme të provosh.
Kur vjen puna te shenjat që jeni të gatshëm të fejoheni, kjo pjese mund të jetë ndryshe për secilin.
Disa njerëz planifikojnë përpara dhe do të dëshirojnë dikë që plani i tyre për 10 vjet përputhet me të tyre.
Të tjerët nuk do të jenë të sigurt deri sa të gjejnë dikë që qesh me të njëjtin humor që ata duan.
Por në thelb, ka disa gjëra që çdo marrëdhënie ka nevojë për t’i bërë të qëndrojë afatgjatë – disa të vërteta të marrëdhënies universale që rezonojnë, pa marrë parasysh se çfarë janë qëllimet, personalitetet ose dinamikat tuaja.
Le të shikojmë më poshtë cilat janë ato…
Nuk ke frikë
Është krejtësisht normale të ndihesh pak në ankth në lidhje me çdo vendim të rëndësishëm në jetën tuaj, dhe sigurisht që fejesa dhe martesa bëjnë pjesë në këtë kategori.
Por, duhet të mbash në mend se disa flutura në bark janë të natyrshme dhe nuk duhet të mundohesh t’i vetëmohosh ose të pyesësh veten nëse je e gatshme për një hap të tillë.
Ne të gjithë nervozohemi, në fund të fundit.Por kur je vërtet e gatshme të fejohesh, mendimi nuk duhet t’ju frikësojë.
Mund t’a shohësh si diçka surrealiste, por nuk do të ndjehesh e frikësuar.
Kur mund të imagjinosh të ardhmen tende me dikë dhe duket e natyrshme dhe madje emocionuese, kjo është një shenjë shumë e mirë që jeni në kohen e duhur për të thene ‘Po’.
Ndihesh vetja me të
Nëse do të jesh me dikë për një kohë të gjatë, është mirë që të ndiheni rahat me ta.
Rahatia në një marrëdhënie është diçka e komplikuar – për shumë njerëz, ata e konsiderojnë aftësinë për të ndenjur bashkë dhe për të kaluar një darkë së bashku, thjesht duke ndenjur në pixhama duke parë Netflix dhe duke ngrënë pica.
Dhe kjo është sigurisht e rëndësishme – por të qenit vetja me ta do të thotë shumë më tepër.
Nëse fejesa është në mendjen tënde, duhet të ndiheni rahat në çdo mënyrë.
Rehati në të qenit vetja juaj – të qeshur kur ndjeheni sikur duhet të qeshni dhe të ndiheni të trishtuar kur ndjeheni të trishtuar.
Rehati në bisedat për atë që ju shqetëson dhe shprehja e opinionit tuaj, në vend që të nënshtroheni vetëm dëshirave të tyre. Rehati në të qenit të sëmurë, dhe rehati në të kujdesurit për ta kur ata janë të sëmurë.
Kuptoheni lehtë
Nuk është thjesht çështja e të qenit në gjendje të flisni me njëri-tjetrin dhe të ndihesh sikur ato që po thoni po dëgjohen dhe marrin në konsideratë, edhe pse kjo është qartësisht e rëndësishme.
Arsyeja pse komunikimi është aq i rëndësishëm është se ai bën gjithçka më të lehtë.
Nëse kuptoheni lehtë, kjo do t’ju ndihmojë të përballeni me gjithçka që vjen në rrugën tuaj – stresin në punë, jetën seksuale, grindjet me familjen e partnerit tuaj, e te tjera.
Çdo gjë që mund të ndodhë bëhet shumë më e lehtë nëse keni një komunikim të fortë.
Jeta ka veshtirësi të ndryshme, kështu që të qenit në gjendje të kuptoheni lehtë duhet të jetë një kusht paraprak për çdo fejesë.
Keni kaluar vështirësi së bashku
Duke folur për ngjarjet e jetës që vijnë në rrugën tënde, momentet e vështira mund të forcojnë ose thyejnë një marrëdhënie.
Askush nuk pajtohet me njëri-tjetrin gjithmonë, kështu që “të mos grindesh kurrë” nënkupton se një person (ose të dy ju) po fshehni ndjenjat e tyre dhe po lëni që tjetri të vendosë, ose nënkupton se nuk keni qenë së bashku aq kohë sa të shihni si të përballeni me stresin.
Grindjet në një marrëdhënie në fakt nuk janë diçka negative – nëse i bëni ato në mënyrë të shëndetshme.
Sa kohë që mosmarrëveshjet tuaja janë respektuese, mund të mësoni shumë për njëri-tjetrin kur hasni në momente të vështira ose keni periudha më të gjata kur po luftoni.
Jeta gjithmonë do të vazhdojë të ndodhë, gjërat gjithmonë do të shkojnë keq.
Mirëpo, të dish që mund të kaloni në anën tjetër edhe më të fortë është shumë e rëndësishme nëse do të kaloni pjesën tjetër të jetës me dikë dhe të plakeni me të.
