Mashkulli Ideal: 12 Cilësi dhe Si të Gjesh Një Të Tillë?

Kuptimi se cili është mashkulli ideal është subjektiv. Ajo që një femë sheh si tiparet e një mashkulli të mirë mund të jenë tipare të keqija për një tjetër. Sot do t’ju listojmë disa cilësi të përgjithshme që mashkulli ideal ka. Ndaj, vazhdoni të lexoni.

E verteta eshte se shumë femra tërhiqen instinktivisht nga djali i gjatë, zeshkan, me buzë të trasha etj. Dua të them, kujt nuk i pëlqen e bukura, apo jo? Megjithatë, kur bëhet fjalë për t’u angazhuar në një marrëdhënie afatgjatë me një mashkull, femrat shohin tjetër gjë.

Në këtë pikë, shumica e femrave kuptojnë se marëdhënia nuk ka të bëjë vetëm me pamjen e një mashkulli. Fillojmë të shikojmë cilësi të tjera që janë thelbësore për një marëdhënie.” Po cilat janë këto cilësi dhe si mund të gjesh një mashkull të tillë? Ja cilat janë ato:

Cilësitë e një Mashkulli Ideal:

1. Inteligjenca

Për çdo femër, mashkulli ideal është inteligjet. Kur them inteligjent, nuk nënkuptoj domosdoshmërisht një person studioz, por një djalë që ka edhe zgjuarsinë e rrugës. Djemtë inteligjent mendojnë shpejt dhe i zgjidhin problemet lehtësisht. Ata janë krijues dhe inovatorë. Mund të krijojnë një mjedis të mrekullueshëm nga asgjëja.

2. Ndan të njëjtat vlera me ty

Në një marrëdhënie, rëndësia e vlerave të përbashkëta vlen të theksohet. Nëse ndani të njëjtat vlera me burrin tuaj, të dy do të pajtoheni lehtësisht për shumë gjëra. Shumë konflikte dhe grindje do të shmangen lehtësisht. Gjetja e një mashuklli ideal që ndan vlerat tuaja mund të jetë një detyrë e vështirë. Por nëse arrini të gjeni një mashkull që është disi i pajtueshëm me ju, gjithçka tjetër bëhet shumë më e lehtë.

3. Kujdeset për familjen dhe miqtë tuaj

Një mashkull që ju do aq sa të vlerësojë familjen dhe miqtë tuaj ia vlen ta keni pranë. Në fakt, një nga mënyrat për të zbuluar se sa shumë ju do dhe ju respekton një mashkull është duke parë sesi ai trajton njerëzit tuaj. Është thjesht fantastike të kesh një partner që është i afërt me babin tënd dhe që e do shumë mamin. Apo një mashkull që kombinon lehtësisht me miqtë e tu.

4. Di t’ju mbrojë dhe t’ju dal në krah

Ndërsa mbrojtja e tepërt mund të bëhet paksa toksike, është shumë bukur të kesh një mashkull protektiv si partner. Çdo femër dëshiron një mashkull që e bën atë të ndihet e sigurt si fizikisht ashtu edhe emocionalisht. Një mashkull që i kupton dobësitë e saj dhe e ndihmon t’i kapërcejë ato. Në thelb, mashkulli ideal që e bën atë të ndihet sikur është femra më e mirë në tokë. Me pak fjalë, çdo femër meriton një mashkull që luan rolin e një heroi në jetën e saj.

5. Karriera juaj nuk përbën pengesë për të 

Nëse je një femër që e do vërtet karrierën e saj, atëherë një nga cilësitë e një mashkulli ideal që duhet t’i jepni përparësi është sikush që respekton dhe mbështet zgjedhjen tuaj të karrierës. Siç mund ta dini tashmë, jo çdo mashkulli e pëlqen “një femër në karrierë”. Disa meshkuj as nuk arrijnë ta konceptojnë. Për ta, një femër duhet të jetë në shtëpi, të kujdeset për fëmijët dhe nevojat e burrit të saj… Mirëpo ka meshkuj të tjerë që preferojnë një femër që ka një karrierë. Ky është lloji i mashkullit me të cilin duhet të synoni.

6. Di të menaxhoj emocionet e veta

Menaxhimi emocional është një aftësi e rrallë që duhet ta kërkoni tek një mashkull. E vërteta është se shumica e njerëzve nuk dinë t’i kontrollojnë emocionet e tyre. Preken dhe reagojnë ashpër. Mashkulli që është i disiplinuar për të menaxhuar emocionet e tij është njeriu më i mirë që çdo femër duhet të ketë. Por për fat të keq, shumë femra nuk u japin përparësi gjërave të tilla. Ndonjëherë, ato përfundojnë në lidhje ose martohen me një bishë që ka shpërthime emocionale të pakontrollueshme.

7. Mashkulli ideal është fansi juaj më i madh 

Duke folur për cilësitë e një mashkulli ideal, a keni menduar nëse mashkulli juaj është fansi juaj më i madh? A i mbështet ai përpjekjet tuaja? A i feston ai sukseset tuaja të vogla me ju? Më e rëndësishmja, a ju mbështet ai si person? A ndihet rehat kur ju shkëlqeni në mënyrën tuaj? Apo thjesht është i frikësuar? Mashkulli ideal për ty duhet të jetë një mbështetësi yt… Fansi yt numër një!

8. Besnikëria

Çfarë duan më shumë femrat në një lidhje? Besnikërinë (dhe dashuri, dhe kujdes, dhe çokollata, dhe … oh, e kuptoni se ku dua të dal dmth.) E vërteta është se në shumicën e rasteve, shumë femra nuk i vlerësojnë djemtë e sinqertë. Por kjo nuk e ndryshon faktin që meshkuj të tillë janë më të mirët. Gjëja më e mirë e një mashkulli besnik është se mund t’i besoni çdo gjë që ai thotë. Mund të mbështeteni tek fjalët e tij pa pasur asnjë dyshim.

9. Vetëbesimi

Ka shumë rëndësi të dini ndryshimin midis vetëbesimit dhe arrogancës. Një mashkull që ka vetëbesim është i vetëdijshëm për atë që sjell në tryezë. Ai është karizmatik dhe i zgjuar, dhe e di këtë. Por, nuk lejon që t’i hipi vetja në qef.

Një djalë i sigurt (i cili e di se çfarë mund të ofrojë) nuk ju lutet. Thjesht tërhiqet nëse vëren se nuk e pëlqeni. Meshkujt me vetëbesim janë gurë të çmuar të rrallë që çdo femër e arsyeshme duhet t’i dëshirojë.

10. Integriteti 

Një nga cilësitë më të mira të një mashkulli ideal është integriteti. Shumë meshkuj mund të përshtaten lehtë dhe të sillen mirë kur partnerja e tyre është afër. Ama, gjëja më e rëndësishme është ajo që ai bën kur askush nuk e shikon! A i besoni partnerit tuaj që të bëjë gjënë e duhur kur ju nuk jeni prezente? Nëse po, atëherë e ke gjetur mashkullin ideal, vajzë.

11. Pjekuria 

Nuk ka gjë më të bezdisshme se të jesh në një marrëdhënie me një mashkull që sillet si fëmijë. Mashkulli ideal në një lidhje duhet të ketë pjekurinë e nevojshme mendore dhe emocionale. Nëse jeni duke u kujdesur vazhdimisht për emocionet dhe sjelljen e pertnerit tuaj, atëherë ai nuk është i pjekur mjaftueshëm për ty. Dhe e vërteta është se “Nuk mund ta ndryshosh një njeri të tillë.”

12. Mashkulli ideal të jep vëmendjen që të nevojitet

Dihet se çdo femër dëshiron vëmendje. Sigurisht, mashkulli ideal e kupton këtë. Ai do t’ju japë gjithë vëmendjen dhe dashurinë që mund të grumbullojë. Mos blini justifikime të tilla si: “Kam qenë shumë i zënë; Jam i lidhur pas punë; Mezi kam kohë për veten…” E vërteta është se nëse mashkulli që të do vërtet, gjithmonë do të gjejë një mënyrë për të krijuar kohë për ju.

Si mund të gjesh një të tillë?

Së fundi, gjetja e një mashkulli ideal nuk është edhe aq e vështirë. Sidomos ditët e sotme kur opsionet janë të shumta. Duhet vetëm të dini se ku të kërkoni. Edhe pse ka platforma te ndryshme ku femrat kërkojne mashkullin perfekt për lidhje serioze, është shume e rëndesishme të gjesh vendin e duhur që flet gjuhën e vlerave tua.

Një nga platformat perfekte ku mund te kërkosh partnerin e jetës me të gjitha tiparet që kërkon tek një mashkull, është dua.com. Tek dua keni mundësinë të përputheni me personat që ju përshtateni duke përdorur filtrat specifik të aplikacionit. Kjo është mënyra më praktike për t’u njohur apo gjetur mashkullin ideal që kërkoni. Ky aplikacion njohjesh tashmë mundëson gjetjen e mashkullit ideal sipas shenjës së horoskopit. Fantastike apo jo?

dua.com është një platformë e shkëlqyer për femrat që kërkojnë një mashkull që ka tiparet e përmendura në këtë artikull. Akoma ke dyshime?  Lexo historitë e dashurise që kanë filluar në këtë platformë, dhe bindu vet për seriozitetin e platformës sonë.