Tërheqja e vërtetë ndërtohet përmes vetëbesimit, respektit dhe komunikimit të sinqertë. Shumë njerëz mendojnë se duhet të kenë fjalët perfekte ose pamjen ideale për të lënë përshtypje, por në realitet lidhjet më të forta krijohen kur dy persona ndihen rehat dhe kanë interes të ndërsjellë.
Edhe historia e Arsim dhe Senadës e tregon këtë. Ata u njohën në dua.com dhe e ndërtuan lidhjen e tyre hap pas hapi, përmes bisedave të sinqerta, humorit, kuriozitetit dhe respektit për njëri-tjetrin.
Hajde ta zbulojmë bashkë se çfarë kërkojnë shumica e grave te një partner, cilat sjellje krijojnë tërheqje natyrale dhe cilat gabime ia vlen t'i shmangësh nëse dëshiron të ndërtosh një lidhje me potencial afatgjatë.
Për më shumë rreth kësaj teme, lexoni Takimi i parë: 15 këshilla për përshtypje më të mirë dhe Lidhja ne Distance.
Çfarë do të thotë ta bësh për vete një femër?
Të bësh për vete një femër nuk do të thotë ta bindësh me çdo kusht apo ta bësh të të pëlqejë kundër dëshirës së saj. Në një njohje të shëndetshme, tërheqja krijohet kur të dy njerëzit ndihen mirë me njëri-tjetrin dhe kanë interes të ndërsjellë. Askush nuk mund ta detyrojë një person të zhvillojë ndjenja, por secili mund të tregojë versionin më të mirë të vetes.
Tërheqja nuk ndërtohet vetëm nga pamja fizike. Ajo krijohet nga mënyra se si komunikon, si sillesh në situata të ndryshme, si i respekton kufijtë e tjetrit dhe si e bën personin përballë të ndihet gjatë bisedës. Këto elemente janë shpesh ato që e kthejnë një njohje të zakonshme në një lidhje me potencial afatgjatë.
12 këshilla për ty që dëshiron të bësh për vete një femër
1. Bëhu vetvetja
Shumë njerëz mendojnë se duhet të luajnë një rol për të lënë përshtypje. Mundohen të duken më të pasur, më interesantë ose më të sigurt në vete sesa janë në të vërtetë. Mirëpo një njohje e ndërtuar mbi shtirje është e vështirë të zgjasë. Nuk ke nevojë të kesh përgjigjen perfekte për çdo pyetje apo të dukesh gjithmonë "cool". Mjafton të tregosh interes të vërtetë, respekt dhe siguri në atë që je.
Në fund të fundit, qëllimi nuk është të bësh dikë të pëlqejë një version të rremë tëndin, por të gjesh dikë që të vlerëson për atë që je.
2. Dëgjo më shumë sesa flet
Një nga gabimet më të zakonshme gjatë njohjes është dëshira për të folur vazhdimisht për veten. Edhe pse është normale të ndash përvojat e tua, një bisedë e mirë ndërtohet kur të dy njerëzit ndihen të dëgjuar.
Bëj pyetje, dëgjo me vëmendje dhe vazhdo bisedën duke u bazuar në atë që ajo po të tregon. Kjo tregon interes të sinqertë dhe krijon një lidhje më natyrale sesa të përpiqesh ta impresionosh me histori për veten.
Një person që di të dëgjojë shpesh lë përshtypje shumë më të mirë sesa dikush që flet pa ndërprerë.
Edhe studiuesi i marrëdhënieve Dr. John Gottman thekson se komunikimi i respektueshëm dhe dëgjimi aktiv janë ndër shtyllat kryesore të marrëdhënieve të suksesshme.
3. Bëj pyetje interesante
Në vend të pyetjeve të zakonshme si "Çfarë po bën?" ose "Si kalove?", provo pyetje që e bëjnë bisedën më personale dhe argëtuese.
Për shembull:
- Cili udhëtim ka qenë më i bukuri që ke bërë?
- Çfarë do të bëje nëse do të kishe një vit pushim?
- Cila është një gjë që të bën gjithmonë të qeshësh?
- Si duket fundjava ideale për ty?
Pyetjet e hapura krijojnë më shumë mundësi për të zbuluar vlera, interesa dhe tema të përbashkëta, duke e bërë bisedën shumë më të këndshme.
4. Përdor humorin në mënyrë natyrale
Nuk ke nevojë të jesh komedian për ta bërë një femër të qeshë. Humori nuk matet me numrin e shakave, por me aftësinë për ta bërë atmosferën të lehtë dhe të rehatshme.
Një koment spontan, një histori qesharake ose aftësia për të qeshur edhe me veten shpesh krijojnë më shumë afërsi sesa komplimentet e tepërta.
Nëse një shaka nuk funksionon, mos u mundo ta detyrosh. Humori më i mirë është ai që lind natyrshëm gjatë bisedës.
5. Mos u përpiq ta impresionosh vazhdimisht
Është normale të duash të lësh një përshtypje të mirë, por kur çdo bisedë kthehet në përpjekje për të treguar sukseset, udhëtimet apo gjërat materiale, efekti mund të jetë i kundërt.
Vetëbesimi nuk ka nevojë të reklamohet vazhdimisht. Ai reflektohet në mënyrën si flet, si sillesh dhe si trajton të tjerët.
Lëri veprimet të flasin më shumë sesa fjalët.
6. Respekto kufijtë e saj
Respekti është baza e çdo njohjeje të shëndetshme. Nëse ajo nuk përgjigjet menjëherë, nuk do të thotë domosdoshmërisht se nuk ka interes. Mund të jetë e zënë ose thjesht të ketë ritmin e saj të komunikimit.
Mos bëj presion për takim, video-thirrje apo tema personale nëse ajo nuk ndihet ende rehat. Kur një person ndien se kufijtë e tij respektohen, krijohet më shumë besim dhe siguri.
7. Kujdesu për pamjen dhe higjienën
Pamja fizike nuk është gjithçka, por mënyra si kujdesesh për veten tregon respekt për veten dhe për personin që ke përballë.
Nuk është e nevojshme të veshësh rrobat më të shtrenjta. Mjafton të jesh i pastër, i rregullt dhe të zgjedhësh një stil që të përfaqëson.
Shpesh janë detajet e vogla, si higjiena, aroma e këndshme dhe kujdesi personal, ato që krijojnë përshtypjen e parë pozitive.
8. Ji konsistent
Interesi nuk matet vetëm nga fjalët, por edhe nga vazhdimësia. Nëse një ditë je shumë i përfshirë në bisedë dhe më pas zhdukesh për ditë të tëra pa shpjegim, krijon pasiguri dhe konfuzion. Konsistenca tregon pjekuri, seriozitet dhe respekt për kohën e personit tjetër. Edhe një mesazh i thjeshtë është më i vlefshëm sesa premtime të mëdha që nuk mbahen.
9. Mos lejo që xhelozia të dominojë
Xhelozia e tepruar nuk është shenjë dashurie, por mungesë sigurie në vetvete. Pyetjet e vazhdueshme, kontrolli i tepërt apo kërkimi i shpjegimeve për çdo veprim mund ta largojnë një person shumë shpejt. Besimi ndërtohet gradualisht. Jepi hapësirë njohjes të zhvillohet pa kontroll apo presion të panevojshëm.
10. Mos luaj lojëra
Shumë këshilla në internet sugjerojnë të presësh qëllimisht para se të kthesh përgjigje ose të sillesh sikur nuk ke interes për t'u dukur "më i kërkuar". Në realitet, këto lojëra shpesh krijojnë keqkuptime dhe lodhje emocionale. Nëse ke interes, tregoje në mënyrë të sinqertë dhe me respekt. Komunikimi i qartë është shumë më tërheqës sesa strategjitë artificiale.
Qe çka mendojnë edhe të tjerët për rëndësinë e komunikimit.
11. Ji i sigurt në vete, jo arrogant
Vetëbesimi është të pranosh vlerat dhe dobësitë e tua pa pasur nevojë të nënvlerësosh të tjerët. Arroganca, përkundrazi, shfaqet kur dikush përpiqet vazhdimisht të tregojë se është më i mirë se të gjithë të tjerët. Një person i sigurt në vetvete pranon gabimet, dëgjon mendimet e të tjerëve dhe nuk ndien nevojën të konkurrojë në çdo bisedë.
12. Jepi kohë njohjes
Lidhjet e qëndrueshme nuk krijohen brenda një dite. Mos u nxito të flasësh për të ardhmen, të kërkosh angazhim ose të vendosësh pritshmëri të mëdha që në fillim. Njohja ka nevojë për kohë që të ndërtojë besim dhe afërsi.
Shumë nga çiftet e suksesshme në dua.com tregojnë se lidhja e tyre u zhvillua hap pas hapi, duke u njohur fillimisht përmes bisedave të sinqerta dhe interesit të ndërsjellë. Kur i jep kohë një marrëdhënieje të rritet natyrshëm, krijon një bazë shumë më të fortë për të ardhmen.
Si ta bësh për vete një femër online?
Njohjet online janë bërë një nga mënyrat më të zakonshme për të krijuar lidhje serioze në kohët e sotme. Një profil në dua.com të jep mundësinë të njohësh vajza shqiptare që kërkojnë një lidhje serioze. Megjithatë, përshtypja e parë është prapë se prapë në dorën tënde. Nuk krijohet vetëm nga pamja, por edhe nga profili, mënyra e komunikimit dhe respekti që tregon gjatë bisedës.
Nëse dëshiron të krijosh një njohje me potencial, këto hapa mund të bëjnë diferencën.
Plotëso profilin me sinqeritet
Profili yt është prezantimi i parë. Përdor fotografi të qarta, të fundit dhe shkruaj një përshkrim që tregon diçka reale për ty. Një profil i plotësuar mirë krijon më shumë besim dhe ofron tema natyrale për të nisur bisedën.
Dërgo mesazhe personale
Në vend të një "Përshëndetje" të zakonshme, provo të komentosh diçka nga profili i saj.
Për shembull, nëse i pëlqen udhëtimi, mund ta pyesësh cili vend i ka lënë më shumë mbresa. Një mesazh i personalizuar tregon interes të vërtetë dhe ka më shumë gjasa të marrë përgjigje. Shumë njerëz ende mendojnë se mashkulli duhet ta bëjë hapin e parë.
Mos u nxito
Njohja online nuk është garë. Merr kohë për të biseduar, për të flirtuar, për të zbuluar interesat dhe vlerat e përbashkëta dhe për të ndërtuar besim. Nëse të dy ndiheni rehat, mund të kaloni në një video-thirrje ose të planifikoni takimin e parë.
Respekto kufijtë edhe online
Edhe në komunikimin online vlejnë të njëjtat rregulla si në jetën reale. Mos insisto për përgjigje të menjëhershme, mos kërko informacione shumë personale që në fillim dhe shmang mesazhet me përmbajtje intime nëse nuk ka interes të ndërsjellë. Respekti dhe durimi krijojnë një përvojë shumë më pozitive për të dy.
A e din se?
Studimet tregojnë se tërheqja afatgjatë ndërtohet shumë më tepër mbi karakterin sesa mbi pamjen fizike.
- Në një studim ndërkombëtar me 218,195 pjesëmarrës nga 53 vende, inteligjenca, humori, ndershmëria, mirësia, pamja, vlerat, aftësitë e komunikimit dhe besueshmëria u renditën ndër tiparet më të dëshirueshme te një partner. Mesatarisht, gratë i vlerësuan ndershmërinë, humorin, mirësinë dhe besueshmërinë më shumë se burrat.
- Edhe Dr. John Gottman, një nga studiuesit më të njohur të marrëdhënieve, ka kryer 50 vjet kërkime me mijëra çifte. Sipas kërkimeve të tij, komunikimi pozitiv, respekti, besimi dhe miqësia janë ndër themelet e marrëdhënieve afatgjata dhe të lumtura.
Për më shumë mbi këtë temë, lexo cilësitë e një mashkulli ideal dhe të një partneri serioz.
Cilësitë që shumica e femrave i vlerësojnë te një partner
- Mirësia dhe respekti
- Humori dhe pozitiviteti
- Vetëbesimi (jo arroganca)
- Inteligjenca emocionale
- Ndershmëria dhe besueshmëria
- Komunikimi i hapur
- Konsistenca në sjellje
- Ambicia dhe përgjegjësia
- Vlerat dhe qëllimet e përbashkëta
Gabimet që largojnë një femër
Ndonjëherë nuk është mungesa e cilësive pozitive ajo që pengon një njohje të ecë përpara, por disa sjellje që krijojnë parehati ose humbin besimin. Ja disa nga gabimet më të zakonshme që ia vlen t'i shmangësh.
- Arroganca, në vend të vetëbesimit
- Gënjeshtrat dhe shtirja
- Mesazhet e tepërta
- Presioni
- Xhelozia dhe kontrolli
- Kur flet vetëm për veten
- Komplimentet "copy-paste"
Përfundim
Të bësh për vete një femër nuk ka të bëjë me truke, manipulim apo strategji të fshehta. Tërheqja e vërtetë lind kur dy njerëz ndihen të respektuar, të dëgjuar dhe të lirë të jenë vetvetja.
Vetëbesimi, mirësia, humori, komunikimi dhe konsistenca janë cilësi që krijojnë përshtypje shumë më të fortë sesa fjalët perfekte apo përpjekjet për të impresionuar me çdo kusht. Në fund të fundit, qëllimi nuk është thjesht të të pëlqejë dikush, por të ndërtosh një njohje që ka potencial të kthehet në një lidhje të shëndetshme dhe afatgjatë.
Lidhjet më të mira nuk fillojnë me lojëra apo mesazhe të përgatitura, por me biseda të sinqerta dhe interes të ndërsjellë. Në dua.com mund të njohësh shqiptarë që kërkojnë një lidhje serioze, të krijosh biseda me njerëz që ndajnë vlera dhe qëllime të ngjashme dhe ta nisësh njohjen në një mënyrë natyrale.
Gati të krijosh një lidhje serioze?
Në dua.com mund të njohësh shqiptarë që kërkojnë një lidhje serioze dhe ndajnë vlera të ngjashme me të tuat. Krijo profilin falas dhe nis një bisedë të sinqertë sot.
Pyetjet më të shpeshta
A mund ta bësh për vete një femër që nuk ka interes?
Jo. Tërheqja nuk mund të detyrohet. Nëse një person nuk ka interes ose ta ka bërë të qartë se nuk dëshiron ta vazhdojë njohjen, zgjedhja më e mirë është ta respektosh vendimin e tij. Një lidhje e shëndetshme ndërtohet vetëm kur interesi është i ndërsjellë.
Sa kohë duhet për ta bërë për vete një femër?
Nuk ka një afat të caktuar. Disa njerëz krijojnë lidhje që në bisedat e para, ndërsa të tjerëve u duhet më shumë kohë për të ndërtuar besim. Më e rëndësishme sesa shpejtësia është cilësia e njohjes.
A është pamja fizike gjëja më e rëndësishme?
Pamja mund të ndikojë në përshtypjen e parë, por studimet tregojnë se për lidhje afatgjata shumica e njerëzve i japin më shumë rëndësi cilësive si mirësia, ndershmëria, humori, komunikimi dhe besueshmëria. Kujdesi për pamjen është i rëndësishëm, por nuk është faktori vendimtar.
Si ta bësh për vete një femër në chat?
Fillo me një mesazh që lidhet me profilin e saj, bëj pyetje të hapura dhe shmang mesazhet e kopjuara. Trego interes të sinqertë, respekto ritmin e komunikimit dhe mos bëj presion për t'u takuar menjëherë. Një bisedë e mirë ndërtohet hap pas hapi.
Çfarë duhet të bëj nëse ajo nuk përgjigjet?
Mos e merr menjëherë si refuzim. Mund të jetë e zënë ose të mos e ketë parë ende mesazhin. Nëse nuk merr përgjigje edhe pas një kohe të arsyeshme, respekto zgjedhjen e saj dhe vazhdo përpara. Këmbëngulja e tepërt zakonisht krijon efektin e kundërt.
A duhet ta komplimentoj që në mesazhin e parë?
Një kompliment i sinqertë mund të jetë një mënyrë e mirë për të nisur bisedën, por është më efektiv kur lidhet me diçka konkrete nga profili i saj, si një interes, hobi apo arritje. Komplimentet e përgjithshme për pamjen shpesh duken të zakonshme dhe nuk e bëjnë bisedën të veçantë.
