Single? Shkarko App ketu.

Pyetje interesante që duhet të bëni patjetër në takimin e parë

pyetje interesante

Pyetje interesante që duhet të bëni patjetër në takimin e parë? Ka shumë mundësi që tashmë të keni mësuar nga rrjetet sociale për personin që do të takoni. Nisur nga bisedat tuaja të shumta online keni frikë se nuk do te keni shumë për çfarë të flisni në takimin tuaj të parë. Edhe pse është normale të doni të flisni për veten, takimi i parë është momenti ku duhet të mësoni më shumë për personin qe po takoni. Ne jemi këtu për t’ju ardhur në ndihmë. Bëni këto 10 pyetje kur shikoni se biseda po fillon të zbehet:

Në profilin tënd thuhet se …

Takimi i parë është momenti kur do të mësoni për personin e vërtetë dhe jo vetëm nëpërmjet informacioneve që keni rreth tyre. Dëgjoni me vëmendje personin tjetër se si flet për gjërat që ata janë të pasionuar, për njerëzit e rëndësishme për ta, etj. Shprehni gjërat që ju tërheqin tek ai person dhe kërkoni qe t’ju tregojë më shumë. Kjo tregon se jeni të interesuar dhe se keni qenë të vëmendshëm në bisedat e më hershme. Kësisoj do të keni një fillim të mbarë të bisedës.

A ka ndonjë libër apo film që ka ndikuar shumë tek ju?

Pyetjet si kjo janë fantastike sepse janë pyetje universale. Të gjithë kemi libra apo filma që kanë ndikuar në jetën tonë.  Ndoshta edhe ju do të keni një të cilin mund ta ndani dhe të shkëmbeni mendime. Duke folur për shijet personale tregoni gjëra rreth bindjeve tuaja personale. Pastaj, është më lehtë të flisni për tema të përgjithshme.

Çfarë pune do të pëlqente të bëje?

Kjo është një pyetje e madhe sepse ju jep mundësinë të fokusoheni tek ëndrrat dhe aspiratat tuaja apo edhe të personit tjetër. Kjo gjë i bën njerëzit të ndjehen mirë. Do të kuptoni se çfarë e motivon për të punuar këtë person. A i intereson paraja, statusi apo shërbimet? Kjo do t’ju tregojë shumë rreth këtij personi dhe nëse vlerat tuaja janë të pajtueshme me të.

Kur ndihesh më i/e relaksuar?

Duke ditur se si dikush relaksohet është një mënyrë tjetër që të zbuloni se çfarë interesash ka perveç atyre që janë zbuluar  në profilin e tyre. Kuptoni gjithashtu nëse është një person me energji të lartë apo të ulët.

Cilat janë arritjet e tua personale për të cilat je krenar/e?

Në takim e parë nese doni të mbani biseden aktive mos shtroni pyetje në lidhje me të kaluarën. Kjo do t’ju çoi në zbulimin e pakënaqësive ose momenteve të dhimbshme në lidhje me marrëdhëniet e kaluara. Pyeteni më mirë në lidhje me të kaluarën përsa i përket arritjeve të tyre. Për ato që ju shqetësojnë vërtetë, thellohuni më vonë.

Cilët janë tre figura të famshme që do t’i ftoje për darkë dhe pse?

Këta njerëz mund të jenë të gjallë ose të vdekur dhe nga çdo periudhë e historisë. Kjo është një temë shumë interesante, sepse mund të ju çoj në rrugë të ndryshme. Mos harroni, nëse ia shtroni këte pyetje, përgatituni për t’iu edhe përgjigjur vetë.

Cila është kafsha jote e preferuar?

Shumë njerëz i duan kafshët. Kjo është një mënyrë e mirë për të biseduar në lidhje me atë se cila është kafsha e tyre e preferuar.  Çështje të tilla në lidhje kafshët, mjedisin etj., janë të rëndësishme si për ju edhe për atë sepse tregon natyrën e secilit.

Çfarë cilësie tërheqëse ke që njerëzit nuk e shohin menjëherë?

Kjo është një pyetje e mirë për dikë që nuk flet shumë për veten e tyre. Sidomos kur vëreni se dhe janë të turpshme apo u mungon vetbesimi në takime të tilla. Kjo është një mënyrë e butë për ta bërë atë të flas për veten e tyre.

Cila karakteristikë e jotja mund të më befasojë?

Mund të befasoheni nga rezultatet që mund t’ju dalin prej kësaj pyetjeje. Mund të zbuloni se një tip trupmadh dhe i fuqishem të bëjë një trëndafil nga një farcoletë, apo një femër e imët dhe delikate të ketë rrip të zi në karate.

A do të doje të takoheshim sërish?

Nëse jeni person që nuk mund të qendrojë duke pritur thirrjen e saj për një takim të dytë, më mirë hiqeni qafe këtë pyetje që në takimin e parë.  Më mirë të jeni të drejperdrejtë dhe t’ia thoni atë që keni në mendje. Dëgjimi është pjesë e artit të bisedës, prandaj sigurohuni që ta praktikoni sa më shumë. Jini të gatshëm t’i përgjigjeni çdo pyetjeje nga këto 10 pyetje, kështu që shanset janë më të mëdha që ajo t’ju takojë sërish.

Pyetje interesante që mund të bëni në takimin e parë

Në serinë e radhës të pyetjeve akullthyese, sot kemi zgjedhur t’ju sjellim disa pyetje interesante që mund të bëni në takimin e parë. Padyshim se të gjithëve na ndodh të jemi të ndrojtur, mirëpo këto ide për pyetje do t’ju ndihmojnë.

Herën e kaluar ju treguam disa pyetje që mund të bëni në lidhje me historinë dhe jetën e vajzës/djalit apo edhe pyetje në lidhje me karrierën dhe objektivat që ai/ajo ka. Sot do vazhdojmë me disa pyetje interesante të tjera.

Pyetje interesante për hobit dhe Interesat

Ajo që një person bën në kohën e lirë do të tregoj qartë gjërat që janë më të rëndësishme për ta. Sidomos këto ditë kur shumica prej nesh nuk kanë shumë kohë për të kursyer. Zbuloni se çfarë pëlqen të bëjë personi që sapo keni takuar, kur nuk janë të zënë me punë. Bëni pyetjet e duhura dhe kushtojini vëmnedje përgjigjeve:

  • Nëse do kaloje një ditë të tërë vetëm me veten tënde, çfarë do të bëje?
  • Nëse do pushoje të gjithë muajin, si do ta kaloje kohën tënde?
  • Cfarë të pëlqen të bësh për t’u argëtuar?
  • Si i kalon fundjavat e tua?
  • A ka ndonjë grup në të cilin je pjesë? Cilat janë ato?
  • Cfarë është një gjë që dëshironi të bësh për të kaluar kohën?
  • Nëse do merreshe me një hobi të ri, cili do të ishte dhe pse?
  • Çfarë talenti dëshiron të kesh?
  • Nëse do bëheshe mjeshtër i diçkaje, çfarë do të ishte dhe pse?

Mëso më tepër rreth interesave dhe hobeve të tij/saj. Jo vetëm që do t’ju ndihmojë të kuptoni se çfarë konsideron të rëndësishme, por gjithashtu do t’ju ndihmojë të kuptoni nëse do ta shijoni kohën e lirë së bashku. Gjetja e gjuhës së përbashkët në gjërat që ju pëlqen të dyve mund t’ju sjellë harmonin në marrëdhënien tuaj.

Planet për të ardhmen

Le ta pranojmë – arsyeja kryesore pse shumë prej nesh shkojnë në kërkim të një interesi romantik është sepse jemi në gjueti për një partner me të cilin mund të kalojmë pjesën tjetër të jetës tonë. Sigurisht, mund të jetë e vështirë të thuash nëse personi që rri para jush është një partner i qëndrueshëm ose jo Sidomos kur bëhet fjalë vetëm për takimin e parë. Por duke bërë pyetjet e duhura mund ta kuptoni më lehtë këtë gjë. Ja disa pyetje interesante që mudn të bëni:

  • Ku e shihni veten këtu e 10 vjet?
  • A mendoni se do të ishë lloji i personit që do ishe i lumtur në dicka të qëndrueshme apo është diçka që nuk ju tërheq?
  • Si e parashikoni veten në vitet e pleqërisë?
  • Fëmijë – po apo jo? Sa fëmijë do të doje kur të ndihesh gati?

Kur pyetni për planet e të ardhmes, është më mirë t’i bëni pyetjet sa më rastësore. Sigurisht, ia vlen të mësosh për qëllimet dhe aspiratat e personit të zemrës, por përpiquni të mos bëheni shumë serioz! Pyetjet që ju bëjnë të dukeni sikur po gërrmoni në territorin e tyre personal mund ta largojë personin. Mos u fut në tema shumë intime por mbajeni bisedën sa më të lehtë. Mundohuni t’i përdorni këto pyetje me masë dhe t’i bëni ato vetëm kur është e përshtatshme.

Në artikullin e radhës do t’ju sjellim pyetje ngacmuese që në takimin e parë do t’ju afrojnë më tepër me personin që keni përballë.

Koha për Takim – Cilat pyetje e bëjnë më interesante njohjen?

Është koha për takim me personin tuaj të preferuar. Edhe pse mund të keni shumë pak kohë që njiheni me njëri-tjetrin përmes një aplikacion takimesh, kjo nuk do të thotë se nuk duhet të njihni më mirë personin që keni zgjedhur.

Sot do t’ju sjellim disa pyetje akullthyese, të zgjedhura në mënyrë rastësore që mund të shtojnë lezetin e takimit në fjalë.

Pyesni me mend dhe dëgjoni me vëmendje

Më poshtë po ju listoj disa pyetje interesante që mund të bëni. Mos harroni se kur të përgjigjet person i juaj i preferuar, atëhere duhet ta dëgjoni me vëmendje. Gjatë bisedës mund t’ju lindin pyetje të tjera.

  • Kë admironi më shumë në botë?
  • Cila është mënyra jote e preferuar për të kaluar një fundjavë?
  • Kush ka pasur ndikimin më të madh në zgjedhjen tënde të karrierës?
  • Ku është vendi yt i preferuar për të ngrënë?
  • Cila ka qënë dita më e keqe që ke pasur ndonjëherë?
  • A të ka bërë presion ndonjëherë familja për të vepruar në një mënyrë të caktuar?
  • Nëse do t’ju jepej një mundësi për të zgjedhur mënyrën tuaj të vdekjes, cilën do të zgjidhnit?
  • Cila është frika jote më e madhe?
  • Nëse do të kishe para pa limit për të nisur biznesin tuaj, cili do të ishte?
  • A dëshiron të kesh fëmijë një ditë?

Shuani kuriozitetin tuaj me disa pyetje akullthyese

Koha për takim dhe lojëra. Këto janë pyetje që zbulojnë diçka më tepër nga personi që keni përball. Ndërsa janë argëtuese dhe hipotetike, ato edhe ia shtojnë lezetin bisedës me efektin e tyre provokues.

  • Për çfarë ose për kë do të sakrifikonit jetën tuaj?
  • Cila është historia jote e preferuar për veten tënde?
  • A besoni në shanse të dyta?
  • Me çfarë lloj kafshe identifikoheni më shumë?
  • Nëse do mund të bëheshe e famshme, a do doje të të ndodhte kjo gjë?
  • A të pëlqejnë mbledhjet familjare?
  • Cila është pjata jote e preferuar për ta gatuar?
  • Me cilin person të famshëm do të doje të kaloje ditën?
    Përgjigjet më interesante marin edhe reagimet më të bukura.

Dashuria është një fushë e minuar

Ka pyetje që duhet t’i bëni në hyrje të bisedës, por edhe nga ato që mund t’i ruani për një moment të dytë. Si për shëmbull këto që do t’ju listojmë më poshtë:

  • Sa njerëzve u ke thënë ‘Të dua’?
  • A beson në një jetë të përtejme?
  • Nëse do të mund të jetoje kudo në botë, cilin vend do të zgjdihje?
  • Cila është sezoni juaj i preferuar dhe pse?
  • Cila është këshilla më e mirë që të ka dhënë një anëtar i familjes?
  • Çfarë është diçka që mund ta ftohë një marrëdhënieve për ty?
  • Kush është shoku ose shoqja jote më e mirë?
  • Nëse mund të udhëtosh në kohë, ku dhe kur do të shkoje?
  • Një xhind të jep tre dëshira – cilat do të shprehje?

Me këtë pyetje e mbyllim për sot artikullin. Shpresojmë të argëtoheni në takim dhe të na shkruani nëse doni të gjeni pyetje të tjera akullthyese. Mos harroni, pyetjet interesante janë ato që krijojnë një dinamikë të këndshme në takim.

16 Pyetjet Akullthyese Që Mund Të Bëni Në Takimin e Parë?

Cilat janë disa nga pyetjet akullthyese që mund të bëni në takimin e parë? Gjithmonë është një lloj frike kur vjen fjala për takimin e parë. A do ta pëlqeni njëri-tjetrin? A do Përputheni sa duhet? A do të funksionojë? Apo jeni i destinuar të dështoni edhe këtë herë?

Pa dyshim, kur mendoni shumë se si të dilni nga sikletosja e një takimi të parë, dihet se do krijoni akoma më shumë ndroje e frikë se duhet. Megjithatë, një zgjidhje ekziston. Si ta thyesh akullin në një takim? Duke bërë pyetjet e duhura. Po cilat pyetje është çështja? Në këtë artikull do t’ju japim një udhëzim nga fillimi deri në fund se si të thyeni akullin për çfarëdolloj teme.

Pyetjet akullthyese rreth historisë së jetës dhe familjes

Sigurisht, e di se duket e mërzitshme të pyesësh për familjen në takimin e parë. Mirëpo, të mësosh më shumë për rrënjët e personit që ke përballë, nga ka ardhur dhe si është rritur mund të të ndihmoj shumë të kuptosh karakterit të tyre të vërtetë. Këtu janë disa pyetje akullthyese me të cilat mund të nisni në takimin e parë:

  1. Sa vëllezër e motra ke?
  2. Ku je rritur?
  3. Cilat ishin disa nga gjërat e tua të preferuara ndërsa rriteshe?
  4. Cili është kujtimi yt i preferuar i fëmijërisë dhe pse?
  5. Ke pasur ndonjë kafshë shtëpiake kur ishe e vogël? Si quheshin dhe si ishte t’i kishe?
  6. Cila është gjëja më e frikshme që ke hasur si fëmijë?
  7. Në cilën shkollë ke shkuar?
  8. A ke ndonjë miqësi fëmijërie që e ke edhe sot e kësaj dite?
  9. Si ishin prindërit tuaj kur po rriteshe?

Rëndësia të pyeturit në lidhje me fëmijërinë është që të mësoni më shumë rreth mënyrës se si ajo/ai ndërvepron dhe lidhet me njerëzit që janë afër saj/tij. Lidhjet e sigurta familjare mund të nënkuptojnë që personi që po takoni e vlerëson besnikërinë, kohën cilësore dhe marrëdhëniet kuptimplota.

Punësimi dhe natyra e punës

Përsëri, këto mund të mos duken si pyetjet më emocionuese për të bërë në një takim të parë, por ato hedhin dritë mbi llojin e personit me të cilin jeni përballë. Ka nga ata njerëz që punojnë në pasionin e tyre, ndaj kjo mund të jetë një nisje bisede e bukur.

  1. Ku punon dhe sa kohë ke që punon aty?
  2. A mund ta përshkruash ditën tënde të zakonshme në punë?
  3. Nëse ka një gjë që mund të ndryshosh në lidhje me natyrën e punës tënde, cila do të ishte dhe pse?
  4. Cila është gjëja jote e preferuar për punën që bën?
  5. Çfarë nuk të pëlqen tek puna jote?
  6. Çfarë të pëlqen të bësh për tu relaksuar pas një dite të ngarkuar pune?
  7. A keni miqësi me kolegët/et tuaja të punës?

Nëse zbulon se personi që po takoni mund të jetë një tip dembeli, ose moskokçës, kjo nuk është shenjë e mirë. Veçanërisht nëse je duke kërkuar për dikë që mund të jetë pak më i përkushtuar në ndërtimin e një jete të qëndrueshme familjare.

Në serinë e artikujve në lidhje me pyetjet akullthyese, herës tjetër do t’ju sjellim pyetje që mund të bëni në lidhje me Hobit dhe Interesat e tyre, Planet për të ardhmen, Kjo apo ajo – pyetje për zgjedhje interesante, si dhe Pyetje të Sikletshme. Lexoni serinë e këtyre artikujve dhe na thoni çfarë mendoni për këto pyetje.