Leter dashurie për njeriun e zemrës

leter-dashurie

A doni të shkruani një leter dashurie për njeriun e zemrës? Keni ardhur në vendin e duhur pasi kemi për ju 5 të tilla. 

Letrat e dashurisë kanë qenë prej kohësh një simbol i fuqisë së dashurisë dhe forcës së marrëdhënieve. Mund të jenë romantikë dhe të përzemërta, duke i thënë partneres se sa shumë e dashuroni. Pavarësisht nëse kërkoni të shprehni dashurinë tuaj ose thje të tregoni vlerësimin që keni për të, shkrimi i një letre të bukur dashurie do të jetë gjest i paharrueshëm. Një letër dashurie e mirëmenduar ofron mundësinë e përsosur për të ndarë ndjenjat tuaja me të.

Mos harroni se një letër dashurie është një gjest i përjetshëm që mund të sjellë buzëqeshje në fytyrën e saj. Me fjalët e duhura do mund të krijosh një leter dashurie të bukur që ajo ta ruajë si thesar për vitet në vijim.

5 letra dashurie për njeriun e zemrës

Letër dashurie 1 

“Ti je rrahjet e zemrës sime dhe shpirti im binjak. Dashuria dhe përkujdesja jote e paçmuar është ajo që më jep forcën dhe guximin për të arritur deri këtu ku jam sot. Ke qenë gjithmonë me mua gjatë ditëve të vështira. Më ke dhënë kaq shumë mbështetje, kurajo, dashuri dhe këshilla saqë nuk e di a do mund të t’i kthej dot. Jam krenare të them se jam personi që jam sot për shkak se ti ke qënë meje. Të të them të dua nuk mjafton për të shprehur saktësisht se si ndihem për ty.”

Letër dashurie 2 

“Ah moj dashuria ime! Kur zgjohem në mëngjes, mezi pres të shoh buzëqeshjen tënde. Kur kthehem në shtëpi natën vonë, ndihem i qetë për sa kohë që dëgjoj zërin tënd. Me mungon çdo dite. Dua të të përqafoj fort dhe të të puth gjithkund. Dua të të nxjerr e të shëtis dhe të të trajtoj siç duhet. Dua të të llastoj pa fund. Adhuroj të të bëj dhurata dhe surpriza. Dhe dua që të gjithë ta dinë se sa shumë të adhuroj. Uroj të të shoh të plakesh me mua dhe të ndaj me ty çdo moment të jetës. Qofshin momente të bukura apo të trishtuara. Je gjithçka për mua!”

Letër dashurie 3

Me agimin e çdo dite, do përpiqem gjithmonë të bëj të ndihesh e veçantë dhe e dashur. Me çdo perëndim të diellit, do vlerësoj çdo gjë që bën dhe do të të adhuroj sikur e meriton. Ti i jep kuptim jetës sime, me ëmblësinë dhe mënyrën se si më do. Je si ylberi që zbukuron qiellin blu pas një rrebeshi të fortë. Nuk mund ta imagjinoj një jetë pa ty, sepse me ty jeta ime është e mbushur me dashuri të pafund, lumturi, gëzim dhe qetësi. Ti e di që të dua apo jo? Epo, nëse nuk e di po ta them sërish. Gjithmonë do të dua.

Letër dashurie 4

E dashur,
Doja ta thosha këtë personalisht, por e di se sa shumë të pëlqejnë gjestet e vogla të dashurisë, prandaj të shkruajta këtë letër. Doja të të thoja, faleminderit. Faleminderit për mbështetjen tënde, kur e di që është edhe më e vështirë pasi linde. Unë habitem me vetëmohimin dhe dashurinë tënde. Më ke bërë jetën më të lehtë dhe përpjekjet e tua vetëmohuese më bëjnë të të dua më shumë. Nuk e di se çfarë do të bëja pa ty, ti je epiqëndra e jetës sime. Faleminderit shumë që je një partnere e jashtëzakonshëm. Të dua.

Letër dashurie 5

Dashuria ime është përgjithmonë e jotja. Qoftë shi a diell, unë do të të trajtoj si një diamant dhe nuk do të të braktis kurrë. Edhe nëse je larg meje, nuk do të largohesh nga zemra ime as për një sekondë. Dashuria ime për ty do të lulëzojë derisa të vdes. Ti je qëllimi i jetës sime dhe dua të ta tregoj këtë cdo moment. Ndonëse nuk shprehem shpesh me fjalët më tërheqëse të mundshme dije se të dua. E gjithë bota ime rrotullohet rreth teje. Dashuria ime për ty është po aq e vërtetë sa dielli që shkëlqen fort. Dhe unë do të të dua përgjithmonë, sepse ti je e vetmja që meriton të të duan me kaq forcë.

Flogerta

Flogerta

Më shumë artikuj: